ژ بەر زۆربوونا هژمارا تووشبوونێ ب ڤایرۆسێ كۆرۆنایێ ل ئیدارا راپەڕین، ل نەخۆشخانەیەكا باژێڕكێ چوارقوڕنە جهـ بۆ نڤاندنا نەخۆشێن كۆرۆنایێ ل سەر تەختان نەمایە و تووشبوو ل سەر عەردی دهێنە نڤاندن.
هەر ژ بەر زێدەبوونا هژمارا حالەتێن كۆرۆنایێ، سەرەدانا نەخۆشان ب هەمی ئاوایان هاتە قەدەغە كرن و بڕیار هاتە دان نەخۆشی ب تنێ كەسەك ل گەل بیت و پێدڤییە ئەوێن دهێنە ناڤەندێن ساخلەمیێ پێگیریێ ب رێنمایێن خۆپارێزیێ بكەن.
هەروەكی دهێتە زانین، دوو حەفتەیە رێژەیا تووشبوونێ ب ڤایرۆسێ كۆرۆنایێ ل سنوورێ ئیدارا راپەڕین بلند بوویە و جارەكا دی زەنگلا مەترسییا دووبارە بەلاڤبوونا وی ڤایرۆسی هاتە لێدان.
هەروەسا ئەڤرۆ سپێدێ سامان بەرزنجی وەزیرێ ساخلەمییا هەرێما كوردستانێ سەرەدانا رانیە كر بۆ ئاگەهداربوونێ ژ زێدەبوونا حالەتێن تووشبوونێ ب ڤایرۆسێ كۆرۆنایێ ل ئیدارا راپەڕین.
Comments are closed, but trackbacks and pingbacks are open.