ڤۆلۆدیمیر زیلێنیسکی سەرۆکێ ئوکڕانیا رۆژا شەمبیا ئەڤرۆ د گوتارەکا ڤیدیوویدا د ٢٠مین کوربەندێ دەوحەدا پێشکێشکر و ڕاگەھاند: پێتڤی وەڵاتێن زلھێزێن جیھانێ دووبارە چاڤخشاندنەکێ د گرەنتیێن خۆدا بکەن، ئێدی رێکێ نەدەن وەڵاتێن زلھێز دەست بۆ سەروەریا ئاخا وەڵاتەکێ دی درێژ بکەت، ھەروەسا پێتڤیە وەڵاتێن جیھانێ ھەڤکارێن ھەڤدووبن بۆ دابینکرنا ووزەیا یا پێتڤی داکو ھەیمەنەیا رووسیا ب دوماھی بینن، پێـڤیە وەڵاتیێن ئوکرانی خۆ بۆ کورتئینان و دەسپێکا قەیرانا خوارنێ ئامادە بکەن.
گوت ژی،” پێتڤیە وەڵاتێن جیھانێ ڕووسیا دابماڵن ژ پرۆسا پشتبەستن ب گازا سرۆشتی و ب باشی دزانم تەڤاھیا جیھانێ پشتەڤانیا ھەڤدوو بکەن ژ پێخەمەت ھەیمەنەیا رووسیا بسەر دابینکرنا ووزەیا سروشتی و گازێ ب دوماھی بھێت، ھەروەسا پێتڤیە ھێزێن مە بھێنە پڕ چەک کرن و تەڤاھیا وەڵاتیێن مە خۆ بۆ کورتئینان و دەسپێکا پەیانا خوارنێ ئامادەبکەن”.
سەبارەت ھێرشێن رووسیا بۆ سەر وەڵاتی وی زیلێنیسکی ئاماژە ب وێ چەندێ کر،” رووسیا ھەڤنیشتیمانیێن ئوکڕانی ل باژێرێ ماریۆ پۆڵ کرینە ئارمانج و رێگریێ دکەت ژ ھنارتنا ھاریکاریێن مرۆڤی بۆ تەڤاھیا باژێرێن ئوکڕانیا و ھەروەسا رووسیا گەفێن بکارئینانا چەکی ئەتومی دکەت”.
Comments are closed, but trackbacks and pingbacks are open.