وەزارەتا چاندن و ژێدەرێن ئاڤێ یا حكومەتا هەرێما كوردستانێ راگەهاند، زێدەتری 300 جوتیار و خۆدان پرۆژەیان دێ ژ وەرگرتنا قەرێن چاندنێ سوودمەند بن.
وەزارەتا چاندن و ژێدەرێن ئاڤێ بەلاڤكرییە، پشتی ئیمزاكرنا یاداشتەكا لێكتێگەهشتنێ دناڤبەرا وەزارەتا چاندنێ و بەنكا ئەلقەرتاس یا ئیسلامی دا ب مەبەستا پشتەڤانیكرن و رەخساندنا دەرفەتێن قەرێن بەنكی بۆ جوتیاران و دەرچوویێن كۆلیژا چاندنێ و ڤێتێرنەری ب قستێن درێژخایەن ژ ( 15 ) تاكو ( 100 ) ملیۆن دیناران ل قۆناغا ئێكێ بۆ پرۆژێن بچویك و مامناوەند، ل دویڤ ناڤەرۆكا یاداشتێ ئەڤ پرۆژە چوو د قۆناغا بجهئینانێ دا.
ئاماژە ب وێ یەكێ ژی كرییە، د دەمێ دوو هەیڤێن بووری دا هەتا نوكە ل سەرجەم فەرمانگەهێن چاندنێ یێن پارێزگەهان و ئیدارێن سەربەخۆ یێن هەرێما كوردستانێ، زێدەتری 300 جوتیار و خۆدان پرۆژەیان مامەلە و داخوازی بۆ سوودمەندبوونێ ئاراستەی رێڤەبەرییا كاروبارێن یاسایی یێن وەزارەتێ كرینە، 100 ژ وان مامەلەیان پشتی هاتینە وردبینكرن بۆ بەنكا ئەلقەرتاس هاتینە هنارتن.
وەزارەتێ ئاشكەرا ژی كرییە، وەرگرتنا مامەلەیان یا بەردەوامە ب هەماهەنگی ل گەل بەنكا ناڤبری ب مەبەستا گەهاندنا خزمەتێ و دەرفەتا سوودمەندبوونێ ب زۆرترین جوتیار و خۆدان پرۆژەیێن سێكتەرێ چاندنێ، جوتیار و خۆدان بیرۆكەیێن پرۆژەیێن چاندنێ دشێن ب رێیا نێزیكترین فەرمانگەها چاندنێ ل دویڤ جهێ جوگرافی، مامەلەیێن خوە پێشكێشی وەزارەتا چاندنێ بكەن.
Comments are closed, but trackbacks and pingbacks are open.