پەیڤدارێ ساخلەمیا دهۆکێ ڕاگەهاند، د چار رۆژێن جەنێ دا ١٦ کەسان ل سنورێ گشتیێ دهۆکی ژیاناخۆ ژدەستدایە.
ئەڤرۆ چار شەمبی، حەمزە رەزیکی پەیڤدارێ ساخلەمیا دهۆکێ د کونفرانسەکا رۆژنامەڤانیدا ڕاگەهاند، د هەر چار رۆژێن جەژنا قوربانێ دا ل سنورێ پارێزگەها دهۆکێ ب گشتی شەش هزار و ٧٨٤ کەسان سەرەدانا نەخۆشخانەیان کریە و ١٦ کەسان ژیاناخۆ ژدەستدایە.
حەمزە رەزیکی ئاماژە ب وێ ژی دا، ٥٣٩ نەخۆش دڤان رۆژاندا ل نەخۆشخانەیان هاتینە نڤاندن هەروەسا ٣٧ نەشتەرگەری هاتینە کرن و ١٤٢ زارۆک ژدایک بوونە کو ٧٤ کور و ٦٧ کچ بوونە، دیسان ٤٣ کەس ب بوویەرێن هاتن و چوونێ بریندار بوونە، ١٩ بوویەرێن ب شەرچوونێ چێبوونە، ٣٩ کەتن ژ بلنداهیان، سۆتن ٢٥ کەس بوونە کو ئێک ژوان ل نەخۆشخانێ هاتیە نڤاندن و ئێکی ژیاناخۆ ژدەستدایە، ٣٠٣ پەیوەندی ب تیما ١٢٢ هاتینەکرن ٩٠ حالەت هاتینە ڤەگوهاستن بۆ نەخۆشخانێ ٢١٣ ژی ل جهێن وان هاتینە چارەسەرکرن، ١٣ حالەتێن پێڤەدانا دووپشکان و دوو حەلەتێن پێڤەدانا ماران هاتینە تۆمارکرن.
هەروەسا دیارژی کریە، د رۆژێن جەژنێ دا زێرەڤانیا ساخلەمیێ ٧٥ سەرەدان بۆ جهێن گشتی کرینە، شەش جهـ هاتینە گرتن و ١٢ جھ هاتینە سزادان و دەست بسەر ١٥٠ کیلۆیێن چەرەزات و چکلێتێن دەم بسەرڤەچووی دا گرتینە.
دەربارێ ئامارێن کۆرۆنایێ ژی گۆت، دوو هزار و ٩٦٧ پشکنین هاتینە کرن ژوان ژی ٨٤٣ کەس تووشبوونە و چ حالەتێن مرنێ ب کۆرۆنایێ نەهاتینە تۆمارکرن.
Comments are closed, but trackbacks and pingbacks are open.