ساخلەمیا ھەرێمێ : ١٤ تووشبوویێن دی ب ڤایرۆسێ کۆرۆنا گیانێ خۆ ژدەستدان
وەزارەتا ساخلەمیا حکومەتا ھەرێما کوردستانێ ئامارەکا نوی یا تووشبوون و گیان ژ دەستدانێ ب ڤایرۆسێ کۆرۆنا بەلاڤ کر و راگەھاند : دماوێ ٢٤ دەمژمێرێن بوری دا سێ ھزار و ٢٢٠ کەسێن دی تووشی ڤایرۆسێ کۆرۆنا بووینە , ٧٥٤ ل ھەولێرێ , ٩٢٧ ل سلێمانیێ , ٧١ ل گەرمیان , ١٩ ل راپەرین , ٤٩ ل ھەڵەبجە و ل دھۆکێ ژی ھزار و ٤٠٠ حالەت ھاتینە تۆمار کرن .
لدویڤ راگەھاندنا ساخلەمیا ھەرێمێ دماوێ ٢٤ دەمژمێرێن بوری دا ١٤ کەسێن دی گیانێ خۆ ژ دەست داینە , ٥ ل ھەولێرێ , ٤ ل سلێمانیێ , ١ ل ھەڵەبجە و ٤ حالەت ژی ل دھۆکێ بووینە.
ھژمارا گشتیا تووشبوویێن ڤایرۆسێ کۆرۆنا ل ھەرێمێ گەھشتە ٢٤٧ ھزار و ٢٧١ کەسان , ژوانا ٢٠٣ ھزار و ٤٨٤ کەس چارەسەر بووینە , ھەروەسا ٤ ھزار و ٨٧٢ تووشبوویان ژی گیانێ خۆ ژ دەستداینە .
Comments are closed, but trackbacks and pingbacks are open.