سلاڤ ….

لاوکو وەرە ببە مێڤان
دەست بدە ھنارو سێڤان
شەکر بمێژە ژ لێڤان
ببینە خۆشی و لەزەتێ !
،،،
کچکێ عەشیر گرانێ
نەوێرم بێمە ژڤانێ
ترسا من ژباب و برانێ
دێ تێکدەن سوحبەتێ
،،،
سینگێ من مەی و پەرداغە
وەرە بووتە خوش قوناغە
ژێ ڤەخۆ ھەمی زاخە
تێر ڤەخۆ ئاڤا حەیاتێ
،،،
دێ ھێمە ناڤ باغێ ژیانێ
دێ ڤەخۆم شەرابا مانێ
ژ ھەردوو لەعلێن تە جانێ
بنێر حنێرو ھەیبەتێ !
،،،
لاوکو بەژن زراڤو
بۆمن ھەناسەو ئاڤو
وەرە زولفا بکە راڤو
سۆتم ئاگرێ محبەتێ !
،،،
دەلالێ تە روو خۆناڤێ
رەش روحانا لبەر ئاڤێ
ژمێژەیە کەفتیم داڤێ
ئەو ئاگرە ڤ دلی کەتێ
،،،
وەرە ناڤ باغ و بیستانی
بنێرە حنێرا یەزدانی
فرکە شەرابێ ژ جانی
ببینە نازو نیعمەتێ !
،،،
دێ ھێمە ناڤ باغێ سێڤا
دێ مێژم شەرابا لێڤا
دێ کەم حەنەک و کێفا
گەر دەلیڤە بۆ من کەتێ !
،،،
جارەکێ وەرە ناڤ باغی
چ سەربەست یان بقەچاغی ؟
بووتە نینن چ یەساغی
ڤەمرینە ئاگرێ دوورکەتێ !
،،،
لێ حەکیمەکێ لوقمانم
ئەژی بسۆتن و فیغانم
دەردێ عەشقێ دزانم
ترسا من ژ جیرانا تێ !
،،،
لاوکو وەی سمبێل سۆرو
کەرەمکە تۆ وەرە ژوورو
دەست بدە شەمامێن ھوورو
کەنگی من بێی تە خەو تێ ؟
،،،
دەلالێ نازێ بەدەوێ
شەمامێن تە ھێکێن کەوێ
لسەر دکەم مەیلا خەوێ
ێاگر بجانێ من کەتێ !
…..
زھێر کورەمارکی
28/2/2022