دلشاد عومەر، رێڤەبەرێ گشتیێ پەروەردا پارێزگەها سلێمانیێ ڕاگەهاند، هژمارەكا زۆر یا بنگەهێن وەرگرتنا ڤاكسینێ دژی كۆرۆنا دسنورێ پارێزگەها سلێمانیێدا هاتینە ڤەكرن، بەلێ ماموستا ل دوویف داخوازییا پەروەردێ ناچن و هەتا نوكە تنێ (9) هزار ماموستا ل وێ پارێزگەهێ ڤاكسین وەرگرتییە.
د داخۆیانیەكا ڕۆژنامەڤانیدا دلشاد عومەر گوت: ژسەرجەمێ 42 هزار ماموستایان ل پارێزگەها سلێمانیێ، تنێ (9) هزار ماموستا ڤاكسین وەرگرتییە، و خۆیاكر كو رێڤەبەرییا پەروەردێ نەشێت زۆریێ ل ماموستایان بكەت بۆ وەرگرتنا ڤاكسینی، لەوڕا پێدڤییە حكومەت روونكرنەكێ بدەت دەربارێ چاوانەتییا سەرەدەریێ دگەل وان ماموستایێن ڤاكسین وەرنەگرتی.
رێڤەبەرێ گشتیێ پەروەردا سلێمانیێ ئاماژە كرە وێ چەندێ، كو حكومەت دبێژیت ل گورەی یاسایێ سەرەدەری دگەل ماموستا بهێتەكرن، بەلێ ئەو رێكارە نەهاتینە دیاركرن و یا بزەحمەتە پێرابوون بهێنە وەرگرتن ژبەركو پڕانیا ماموستایان ڤاكسین نە وەرگرتییە.
Comments are closed, but trackbacks and pingbacks are open.