ئه‌ڤرو ده‌مژمێر 7 سپێدێ ده‌رگه‌هێن ویستگه‌هێن ده‌نگدانێ لبه‌رامبه‌ر ده‌نگده‌رێن لبنانی ل 15 بازنێن ده‌نگدانێ هاتنه ڤه‌كرن، داكو 128 كه‌سان بۆ ئه‌ندامه‌تیا جڤاتا نوونه‌ران هه‌لبژێرن.
نه‌جیب میقاتی، سه‌رۆكێ لبنانێ هه‌ر ل ده‌مژمێرێن ده‌سپێكێ یێن ده‌نگدانی دیاركر، پروسێسا ده‌نگدانێ ب شێوه‌كێ ئارام و دروست هاتنه ئه‌نجامدان.
پروسا ده‌نگدانێ دێ یا به‌رده‌وام بیت تا كو ده‌مژمێر 7 ئێڤاری و دهێته پێشبینیكرن نێزیكی چوار ملیۆن ده‌نگده‌ران پشكداریێ دڤان هه‌لبژارتنان دا بكه‌ن یێن لدویڤ سیسته‌مێ لیستێن گرتی دهێنه ئه‌نجامدان.
دهێته زانین كو كورسیێن جڤاتا نوونه‌ران ل لبنانێ لسه‌ر 11 گرۆپێن ئاینی دهێنه دابه‌شكرن و گروپێ (حزب الله) یێ نێزیك بۆ ئیرانێ بهێزترین گروپه، كو شیابوو دهه‌لبژارتنێن بوریدا ب پرانیا ده‌نگان كونتروك لسه‌ر ئه‌ڤێ جڤاتێ بكه‌ت.
ولدویڤ چاڤدێرێن سیاسی ئه‌ڤ هه‌لبژارتنه گوهرینێن مه‌زن په‌یدا ناكه‌ن، سه‌ره‌رای قه‌یرانێن ئابوری یێن نوكه لبنان تێدا دبوریت،
Comments are closed, but trackbacks and pingbacks are open.