بڕیاره ئه‌ڤرۆ له‌تیف ره‌شید، سه‌رۆككۆمارێ عیراقێ سه‌ره‌دانا جه‌زائیرێ بكه‌ت بۆ پشكداریكرن د گوپیتكا 31مین وه‌لاتێن عه‌ره‌بیدا كو سوباهى رۆژا سێشه‌مبى دێ هێته ئه‌نجامدان.
د گۆپیتكا وه‌لاتێن عه‌ره‌بیدا دێ 15 سه‌رۆك، پاشا و سه‌رۆكوه‌زیرێن وه‌لاتان پشكداربن و هه‌روه‌سا د كۆمبوونێدا دێ ره‌وشا ئێمناهى و سیاسییا وه‌لاتێن لوبنان، فه‌له‌ستین، یه‌مه‌ن، لیبیا، سووریا، سوودان و سوماڵ و پرسا ئاسایشا خوارنێ ل وه‌لاتێن عه‌ره‌ب تایبەت پشتى لاوازبوونا ئابوورێ جیهانى و وه‌لاتێن عه‌ره‌بی، هه‌روه‌سا پشتى ڤایرۆسێ كۆرۆنایێ سه‌رهلداى و شه‌رێ دناڤبه‌را رووسیا و ئۆكرانیا هێنه گۆتۆبێژكرن.
سه‌ره‌دانا سه‌رۆككۆمارێ عیراقێ د ده‌مه‌كیدایه دوهى شانده‌كێ حكومه‌تا عیراقێ ب سه‌رۆكایه‌تیا فوئاد حوسێن، وه‌زیرێ ده‌رڤه یێ عیراقێ پشكدارى د كۆمبوونا جڤاتا كۆمكارییا عه‌ره‌بیدا كر كو به‌رى ئه‌نجامدانا گۆپیتكا وه‌لاتێن عه‌ره‌بى ده‌سپێدكه‌ت و تێدا چه‌ند پرۆژه‌یاسایه‌ك دهێنه ئاماده‌كرن داكو سه‌رۆكایه‌تییێن وه‌لاتان د گۆپیتكا وه‌لاتاندا دانوستاندنێ لسه‌ر بكه‌ن.
Comments are closed, but trackbacks and pingbacks are open.