سه‌رۆكێ هه‌رێما كوردستانێ ل گه‌ل بالیۆزا نوى یا سوێدێ ل ئیراقێ كۆمبوو، هه‌ر دو ئالیان دوپاتى ل هه‌ڤكاریێ كر.
ئه‌ڤرۆ سێ شه‌مبێ 6-12-2022ێ نێچیرڤان بارزانى، سه‌رۆكێ هه‌رێما كوردستانێ ل گه‌ل جێسیكا سڤاردستۆم بالیۆزا نوى یا سۆێدێ ل ئیراقێ كۆمبوو، زێده‌بارى پیرۆزباهیێن ده‌ست بكاربوونێ وه‌ك ئه‌رك نوى ل ئیراقێ نێچیرڤان بارزانى پشته‌ڤانى ژى بۆ سه‌رخستنا كارێ وێ نیشان دا.
هه‌ر دو ئالیان دوپاتى ل به‌ره‌ف پێشبرنا په‌یوه‌ندیێن سۆێد و ئیراقێ و هه‌رێما كوردستانێ كر و دوپاتى ل هاریكاریا هه‌ڤپشك كر، ب تایبه‌ت ژى د وان واران دا یێن جهێ گرنگیا هه‌ر دو ئالیان.
ره‌وشا هه‌رێما كوردستانێ، ده‌لیڤه‌یێن كارى و وه‌به‌رهێنانا سۆێدێ ل ئیراق و هه‌رێما كوردستانێ و دیسا ژى دوماهى پێشهاتێن ره‌وشا ئیراقێ، شه‌ڕێ ل دژى تیرۆرێ و ناوچێ ب گشتى ژى ته‌وه‌رێن كۆمبوونێ بوون.
Comments are closed, but trackbacks and pingbacks are open.