سه‌رۆك بارزانی: سڤكایه‌تیكرن ب پیرۆزییان ب چ ره‌نگه‌كى ناهێته قه‌بیلكرن
سەرۆك مسعود بارزانی ئه‌ڤرۆ په‌یامه‌ك به‌لاڤكر و راگه‌هاند: سڤكایه‌تیكرن ب پیرۆزیى و هێمایێن بلند ب چ ره‌نگه‌كى ناهێته قه‌بیلكرن، داكه‌فتنا هێلێن سووره و ب توندى ئه‌و سڤكایه‌تییا شه‌ڤا ده‌ربازبووى ژ ئالییێ كه‌سه‌كێ ب مەرجەعیەت شه‌رمزاردكه‌ین.
سه‌رۆك بارزانی زێده‌تر گۆت: ئه‌و جۆره كریارێن نه‌ره‌وا چ په‌یوه‌ندى ب گه‌ل كوردستانێ و پارتى دیموكراتى كوردستان ڤه نینه، كوردستان خودان فه‌رهه‌نگا بلند یا پێكڤه‌ژیانێیه، سڤكایه‌تیكرن ب ڕه‌مز وموقه‌ده‌ساتێن خه‌لكى دناڤ فه‌رهه‌نگا گه‌لێ كوردستانێدا نینه، گەلێ كوردستانێ ڕێز و پێزانینێن بۆ مەرجەعیەتێ هەیە و پەیوەندییا مێژوویی و دۆستایەتی و هاڤسۆزییێ دناڤبه‌را بارزانیێ نەمر و ئایەتوڵڵا حەكیم و شەهید سەدر گەواهیە بۆ پەیوەندیی و دۆستایەتیا دێرینە.
سەرۆك مسعود بارزانی دیاركر: ب توندی سووتنا بارەگایێ پارتی دیموكراتی كوردستان ل بەغدا شه‌رمزاردكه‌ین، ئەڤە بۆ جارا دووێ یه ژ ئالییێ كۆمەله‌كا تێكدەر دهێته ئه‌نجامدان و ئەڤە بەڵگەیە لسەر نەبوونا سەقامگیری و ئاسایشێ، د ڕاستیدا ئەو گرووپه به‌س یێن خرابى و تێكدانێ نه.
Comments are closed, but trackbacks and pingbacks are open.