سه‌رۆك مه‌سعود بارزانى د رێو ره‌سمێ ڤه‌شارتنا رووفاتێن 100 ئه‌ننفالكریێن بارزانى گوتاره‌ك پێشكێشكر و راگه‌هاند، شه‌هیدكرنا هه‌شت هزار كه‌سان كاره‌ساته‌كا زور مه‌زنه و برینه‌كا زور كویره ناهێته ژبیركرن. گوتژى: د وى سه‌رده‌میدا دكتاتوره‌كێ دگوت، بارزانى گه‌هشتنه سزایێ خۆ و مه ئه‌و هنارتنه جهه‌نه‌مێ، به‌لێ ئه‌ڤرۆ بارزانى بڤێ سه‌ربلندیا دناڤ مه‌دانه چه به‌هه‌شتێ و ئه‌و دكتاتور چوو دوزه‌خێ.
سه‌رۆك بارزانى د پشكه‌كا دى یا گوتارا خودا به‌حس ل هندێ كر، كو دیسان برینا كوریر یا هه‌میان جاره‌كادى نویبو و دبێژیت: ئه‌ڤرۆ دێ پێشوازیی ل 100 روفاتێن شه‌هیدێن دى ژ وان هه‌شت هزار شه‌هیدێن بێ گونه‌هـ و سته‌م لێ كرى كه‌ین كو ب ده‌ستێ سته‌مكار و دیكتاتوران هاتنه شه‌هیدكرن.
ئاماژه ب هندێ ژى كر كو گومان نینه گیانێ پاكێ وان شه‌هیدان به‌رى روفاتێن وان بهێنه جهێ باب و باپیران، گیانێ وان یا ڤه‌گه‌ریاى. ئه‌و پێشوازیا گه‌رم یا شه‌ڤا بوورى ل رووفاتێن باب و باپیران هاتیه كرن هه‌ر ژ هه‌ولێرێ تا بارزان ، نیشانا وێ په‌یوه‌ندیا روحى یا دناڤبه‌را ڤى ملله‌تى و شه‌هیدێن وان دا هه‌ی دده‌ت. ئه‌ڤه نیشانا هندێ یه شه‌هیدێن مه ب رێزن و د خوشتڤینه لده‌ڤ مه.
Comments are closed, but trackbacks and pingbacks are open.