عیراقنوچه سه‌رۆككۆمارێ ئیراقی بودجا گشتییا ئیراقێ یا سالا 2021ێ په‌سه‌ندكر By زێ بادینان Last updated نیسان 8, 2021 سه‌رۆككۆمارێ ئیراقی بودجا گشتییا ئیراقێ یا سالا 2021ێ په‌سه‌ندكر و راگه‌هاند، پێدڤییه بجهئینانا به‌ندێن وێ قانوونێ د به‌رژه‌وه‌ندا وه‌لاتییان دا بیت و پشته‌ڤانیێ ل چاكسازییا ئابوورى بكه‌ن. سه‌رۆكاتییا كۆمارى یا ئیراقێ راگه‌هاند، د. به‌رهه‌م سالح، سه‌رۆككۆمارێ ئیراقێ ئه‌ڤرۆ رۆژا پێنجشه‌مبى بودجا گشتییا ئیراقێ یا سالا 2021ێ په‌سه‌ندكر و دوپات كر، په‌سه‌ندكرنا وێ قانوونێ ئارمانجا وێ گه‌ره‌نتیكرنا پێدڤیێن سه‌ره‌كى یێن گه‌لێ ئیراقێ و دابینكرنا مووچه‌یێن فه‌رمانبه‌ران و خانه‌نشین و خه‌رجیێن حكومه‌تێ بوو، ب شێوه‌یه‌كى كو بشێن دادپه‌روه‌رییا جڤاكى بۆ هه‌موو ده‌ڤه‌رێن ئیراقێ و پێكهاتێن وێ دابین ببن. به‌رهه‌م سالح ئاشكرا كر، په‌سه‌ندكرنا بودجێ گاڤه‌كه ب ئاراسته‌یا دابینكرنا مافێن وه‌لاتییان، ل سه‌ر سازیێن په‌یوه‌ندیدار ژى پێدڤیه بڕگێن وێ قانوونێ بێخن وارێ بجهئینانێ، ب شێوه‌یه‌كى كو د خزمه‌تا وه‌لاتییان و ئاڤه‌دانكرنێ دا بیت. Share FacebookTwitterWhatsApp
Comments are closed, but trackbacks and pingbacks are open.