عامر فایز، ئه‌ندامێ هه‌ڤپه‌یمانیا ده‌وله‌تا یاسا بۆ میدیایێن وه‌لاتى ڕاگه‌هاند: مه‌حموود مه‌شهه‌دانى، په‌رله‌مانتارێ هه‌ڤپه‌یمانییا عه‌زم دێ سه‌رۆكاتییا ئێكه‌م كۆمبوونا په‌رله‌مانى كه‌ت.
مه‌حمود مه‌شهه‌دانى ژ دایك بوویێ سالا 1948 یه، ب ته‌مه‌نترین كاندیدێ سه‌ركه‌فتی یێ هه‌لبژاردنێن پێشوه‌خت یێ په‌رله‌مانێ ئیراقێ دهێته نیاسین، عه‌ره‌به‌كێ سوننه‌یه و ده‌رچوویێ كۆلیژا پزیشكییه، سالا 2006 هه‌تا 2009 سه‌رۆكێ په‌رله‌مانێ ئیراقێ بوو.
مه‌حموود مه‌شهه‌دانى چونكى ب ته‌مه‌نترین په‌رله‌مانتاره، ب ده‌ستوورێ ئیراقێ دێ بیته سه‌رۆكێ ئێكه‌م كۆمبوونا په‌رله‌مانى، دڤێ كۆمبوونێدا سه‌رۆك و جێگرێن سه‌رۆكێ په‌رله‌مانى دێ هێنه دیاركرن.
ڕۆژا 30/11/2021 كۆمسیوونا بلند یا سه‌ربه‌خۆیا هه‌لبژاردنێن ئیراقێ ئه‌نجامێن دووماهیێ یێن هه‌لبژاردنان كو ل ڕۆژا 10/10/2021 ب ڕێڤه‌چوو به‌لاڤكرن و ئه‌نجام بۆ دادگه‌ها بلند یا فیدرال هنارتن.
پشتى په‌سه‌ندكرنا ئه‌نجامان ژ لایێ دادگه‌ها فیدرال ڤه و هه‌تا نها ده‌مێ په‌سه‌ندكرنێ ناهێته زانین، سه‌رۆك كومار داخازێ ژ په‌رله‌مانى نوى دكه‌ت دماوێ 15 ڕۆژان دا ئێكه‌م كۆمبوونا خۆ سازبكه‌ن.
Comments are closed, but trackbacks and pingbacks are open.