كوردستاننوچه نێچیرڤان بارزانى و جێگرێ هنارتیێ تایبه‌ت یێ ئهمریكا بۆ كاروبارێن سووریا كوم بوو By زێ بادینان Last updated نیسان 18, 2021 سه‌رۆكێ هه‌رێما كوردستانێ، ئه‌ڤرۆ پێشوازى ل جێگرێ هنارتیێ تایبه‌ت یێ ئهمریكا بۆ كاروبارێن سووریێ كر نێچیرڤان بارزانى و ده‌یڤید براونشتاین كومبوون و داوی پێشهاتێن ره‌وشا سووریێ ب گشتى و ئه‌ركێ ئهمریكا و هه‌ڤپه‌یمانیا ناڤده‌وله‌تى دژى داعش، ئاماده‌ییا هێزێن ناڤده‌وله‌تى، ره‌وشا باكور و رۆژهه‌لاتێ سووریێ، گرنگیا سه‌قامگیریێ، دیالۆگا لایه‌نێن كوردى و پرسا كوردان ل وى وه‌لاتى گوتوبێژ كرن. نێچیرڤان بارزانى، دوپات كر كو چاره‌سه‌ریا ره‌وشا ئالۆز یا سووریێ ب شه‌ڤ و رۆژه‌كێ چاره‌سه‌ر نابیت و رێكا سه‌ربازى چاره‌سه‌رى نینه، پێدڤیه كێشه‌یا سووریێ ب رێكا سیاسه‌ت و دیالۆگێ بهێته چاره‌سه‌ركرن و پێدڤیه پرسا كوردان د چارچوڤێ سووریێ دا بهێته چاره‌كرن. ده‌رباره‌ى ئه‌ركێ ئهمریكا و هه‌ڤپه‌یمانیا ناڤده‌وله‌تى، ده‌یڤید براونشتاین دوپات ل وێ چه‌ندێ كر كو هێشتا داعش ل سووریێ مه‌ترسیه‌كا راسته‌قینه یه و بۆ ڤێ یه‌كێ ئهمریكا و هه‌ڤپه‌یمانیا ناڤده‌وله‌تى دێ به‌رده‌وام بن بۆ هاریكارى و پشته‌ڤانییا هێز و لایه‌نێن هه‌ڤپه‌یمانێن سووریێ Share FacebookTwitterWhatsApp
Comments are closed, but trackbacks and pingbacks are open.