زێ بادینان
به‌ری 38 سالان وه‌ك ئه‌ڤرۆ رژێما به‌عس ب شێوه‌یه‌كێ دڕندانه هه‌شت هزار زه‌لامێن پیر و گه‌نجێن بارزانی ژ ژیێ نه‌هـ سالیێ تا پیره‌مێرێن 90 سالان دا به‌ره‌ف بیابانێن باشوورێ ئیراقێ برن و ب كۆمه‌لكوژییه‌كا دڕندانه كوشتن.
سه‌رۆك بارزانی خویا ژی كرییه، ئه‌ڤ تاوانه ئه‌لقه‌ك بوو ژ زنجیره‌یا سته‌مكاریێن ب سه‌ر رۆلێن گه‌لێ كوردستانێ دا هاتین، هه‌ر ژ بێسه‌روشوونكرنا 12 هزار گه‌نجێن فه‌یلی، ئه‌نفالا گه‌رمیان و به‌هدینان، كیمیابارانكرنا هه‌له‌بجه و ده‌ڤه‌رێن دی یێن كوردستانێ ژ ته‌عریب، ڤه‌گوهاستن و هێرشێن تیرۆری یێن ل دژی خوشك و برایێن ئێزدی.
بارزانی د ته‌مامییا په‌یاما خوه دا سوپاسییا جه‌ماوه‌رێ ده‌شتا هه‌ولێر، هه‌ریر و سۆران كر كو د رۆژێن ره‌ش دا كوردانه و مه‌ردانه هه‌ڤسۆزێن بارزانییان بوون، سوپاسییا كه‌س و كارێن ئه‌نفالكرییان كر بتایبه‌ت ئه‌و دایكێن بدرێژاهییا سالان چاڤه‌رێی زارۆیێن خووه بووین.
سه‌رۆك مه‌سعود بارزانی د داویا په‌یاما خوه‌دا گۆت: ئه‌و تاوان و زولما د ده‌رهه‌قێ بارزانییان و گه‌لێ كورد دا هاتییه كرن ژ به‌ر كوردبوون و ئازادیخوازییا وان بوو، ئارمانجا دوژمنان ئه‌و بوو ئیراده‌یا ئازادیخوازا گه‌لێ كوردستانێ بشكێنن، لێ ئیرادا گه‌لێ وان ژ جینۆساید و ئه‌نفالان بهێزتربوو، ئه‌و ئیراده ژی ب بلندی سه‌ركه‌فت و شكه‌ستن و سه‌رشۆری بۆ دوژمنان مایه و پێدڤییه ئه‌ڤه ببیته ده‌رس و عیبره‌ت بۆ نه‌یارێن گه‌لێ كوردستانێ و د ده‌ستبه‌رداری عه‌قلییه‌تا شۆفینی ببن
مه‌سعود بارزانی
٣١ تەمموزا سالا ٢٠٢١
Comments are closed, but trackbacks and pingbacks are open.