دەزگەهێ مێدیایێ زێ بادینان .
بڕیارە سوباهی رۆژا سێ شەمبی لیژنا بلندا دیتنا هەیڤێ ل هەرێما كوردستانێ كۆم ببیت بۆ دەستنیشانكرنا ئێكەم رۆژا جەژنا رەمەزانێ.
نەبەز ئیسماعیل پەیڤدارێ وەزارەتا ئەوقاف و كاروبارێن ئایینی د حكومەتا هەرێما كوردستانێ دا راگەهاند: سوباهی لیژنا بلندا دیتنا هەیڤێ ب هەماهەنگی دگەل لیژنێن خۆ ل پارێزگەهێن هەرێما كوردستانێ و هەردوو ئیدارێن راپەڕین و گەرمیان دێ كۆم بیت بۆ دیاركرنا ئێكەم رۆژا جەژنا رەمەزانێ.
پەیڤدارێ وەزارەتا ئەوقافێ گۆت: ب پشتبەستن ب بەلگەیێن شەرعی، سوباهی پشتی مەغرەب دێ هێتە دیار كرن كا ئەرێ رۆژا چوارشەمبی یان رۆژا پێنج شەمبی ئێكەم رۆژا جەژنا رەمەزانێ یە.
ناڤبری گۆت: هەكە سوباهی ب بەلگە هەیڤ هاتە دیتن، رۆژا چوارشەمبی دێ بیتە ئێكەم رۆژا جەژنێ، هەكە نە، رۆژا پێنج شەمبی ئێكەم رۆژا جەژنێ یە.
Comments are closed, but trackbacks and pingbacks are open.