سكرتێرا پهڕلهمانێ كوردستانی دویماهى ژڤان بۆ فراكسیۆنێن پهڕلهمانى بۆ پێشكێشكرنا پرۆژه یاسا بۆ راستڤه‌كرنا یاسایا هه‌لبژارتنان دانا كو تا نها چ پرۆژه نه‌هاتینه پیشكێشكرن.
ل هه‌یڤا بۆرى نێچیرڤان بارزانى، سه‌رۆكێ هه‌رێما كوردستانێ رۆژا 1ى چریا ئێكێ یا ئه‌ڤساله بۆ ئه‌نجامدانا هه‌لبژارتنێن كوردستانێ دیاركر، لێ كومسیۆنێ راگه‌هاندبوو ژبه‌ركو ده‌مێ وان یێ یاسایی بسه‌رڤه‌چوویه نه‌شێن هه‌لبژارتنان ئه‌نجام بده‌ن.
مونا قه‌هوه‌چى سكرتێرا پهڕلهمانێ كوردستانێ دا زانین، تا نها چ فراكسیۆنان پرۆژه‌یاسا بۆ راستڤه‌كرنا یاسایا هه‌لبژارتنان پێشكێش نه‌كرینه. و ئه‌گه‌ر تا سوبه‌هى پرۆژه یاسا نه‌هێته ئێكلاكرن ژ 1ى هه‌یڤا بهێت وێڤه‌تر كومسیۆن نه‌شێت ئاماده‌كاریێن هه‌لبژارتنان بكه‌ت.
قه‌هوه‌چى گۆت ژى نیازه‌كا جددى هه‌یه بۆ راستڤه‌كرنا پرۆژه یاسایا هه‌لبژارتنان، لێ تا نها چ پرۆژه نه‌هاتینه و دیار نینه كۆمبوونا پهڕلهمانى ژى دێ كه‌نگى هێته كرن بۆ ڤێ مه‌به‌سه‌تێ.
Comments are closed, but trackbacks and pingbacks are open.