محه‌مه‌د شیاع سوودانى سه‌رپه‌رشتییا كۆمبوونه‌كا تایبه‌ت ب پرۆژه قانوونا بودجه‌ى كر و داخوازكر ب زووترین ده‌م پرۆژه بۆ په‌رله‌مانى بهێته هنارتن داكو ده‌نگ لسه‌ر بهێته‌دان.
نڤێسینگه‌ها سه‌رۆكوه‌زیرێن عیراقێ دیاركر، ئه‌ڤرۆ محه‌مه‌د شیاع سوودانى سه‌رۆكوه‌زیرێن عیراقێ سه‌رۆكایه‌تییا كۆمبوونه‌كا تایبه‌ت بۆ دانوستاندكرنێ ده‌رباره‌ى پرۆژه قانوونا بودجه‌یا فیدرالى یا سالا 2023ێ كر.
سوودانى دكۆمبوونێدا گوت: پێدڤییه ئه‌ڤ پرۆژه قانوونه ب زووترین ده‌م تمام ببیت و پێشكێشى په‌رله‌مانى بهێته‌كرن، داكو بێى گیروبوون بكه‌ڤیته دبوارێ بجهئینانێدا.
سوودانى ئه‌وژى ئاشكراكر، كارێن سه‌ره‌كى یێن به‌رنامه‌یێ حكومه‌تێ نه‌هێلانا بێكارییێ، كێمكرنا رێژه‌یا هه‌ژارییێ، رووبرووبوونا گه‌نده‌لییێ و باشتركرنا خزمه‌تگوزاریییان دگه‌ل بجهئینانا چاكسازییێ دبوارێ ئابووریدانه.
ل دووڤ قانوونا كارگێری دارایى، پێدڤییه هه‌تا 15ى هه‌یڤا 10 یا هه‌موو سالان پرۆژه قانوونا بودجه‌ى ره‌وانه په‌رله‌مانى بهێته‌كرن، به‌لێ هه‌تا نوكه پرۆژه قانوونا بودجه‌ى ره‌وانه‌ى په‌رله‌مانى نه‌هاتییه كرن.
Comments are closed, but trackbacks and pingbacks are open.