سوپایێ تورکیا زنارێن کێستە ل دەڤەڕا بەڕواڕییا کونتڕولکڕ

سوپایێ تورکیا زنارێن کێستە ل دەڤەڕا بەڕواڕییا کونتڕولکڕ

هێزێن سوپاێ توڕکیا دماۆێ بۆڕیدا پتڕی 12 بنگەهێن لەشکەڕی ل سەڕێ چیایێ خامتیڕی وشاقولێ و کەشانێ وحەفتە نینێ کۆ ب دەهان کیلومەتڕان هاتینە دناڤا خاکا هه ڕێما کوڕدستانێ دا داناینە ، ئەڤڕو ژی بڵندتڕین جهـ کو پتڕی 2300مەتڕان و جهه کێ ستڕاتیژیە ودەڤەڕێ دئیختە بن کونتڕولا خۆە ب هه لیکوپتەڕان هێزێن خوە لێ دانان ، ڕێڤنگ هڕۆڕی ئەندامێ پەڕلەمانێ کوڕدستانێ بۆ ڕادیۆیا زاکڕۆس ڕاگەهاند :

ل شەڤا دەرباسبوویی ئەز بخۆە ل گۆندی بوم سوپایێ تورکیا زنارێن گوندێ کێستە ۆ گۆندێ هڕۆڕێ ل دەڤەرا بەرواری باڵا ل ناحیا کانی ماسێ ب بالەفر و تۆپخانەیان بۆردومانکر. دیاڕبوو کۆ چەندین بالەفرێن ھەلیکوپتەر و ژمارەیەکا بالەفرێن ئێف16 و درونان بەشداری دوێ ئۆپراسیونێدا کریە و چەند گولـلە تۆپ نزیک گوندێ وان ھاتنە خوارێ . ل دەڤەڕا دەڕاێ وزناڕا کێستە ب دژوڕای توباڕانکڕیە ،
سوپایێ تورکیا ب دویریا (9کلم) سنورێن ناحیا کانی ماسێ بەزاندنە هه ڕ وەسا ل ناحیا دەکاڕێ و باتیفا ب دەهان کیلومەتڕان هێزین توڕکیا هاتینە داناڤا ئاخا هه ڕێمێ دا و ئەڤرۆ سپێدێ ھێزێن خوە ل زنارێن گوندێ کێستە بجھکریە و ل گور پێشھاتێن نوی مەترسی ل سەر جوغرافیا وێ دەڤەرێ و ب سەربازیکرنا جھێن ستراتیژی و کونترۆلکرنا وان زێدەتربوویە.کۆ زناڕا کێستە بلندتڕین جهێ ستڕاتیژیێ دەڤەڕێ یە ، پیشتڕ پەکەکێ تونێل لێ دڕوست کڕبون

گوندێ کێستە ل دەڤەرا بەرواری باڵا ل سەڕ ب ناحیا کانی ماسێ ڤە یە سەر ب قەزا ئامێدیێ گرێدای دھۆکێ، ئەو دەڤەر زێدەتر ژ 73 گوندان ژپێکھاتێن مەسیحی و موسلمان لێ ئاکنجینە وهه ڕوەسا گوندێ شەڕانشا مەسیحیان هاتیە چۆل کڕن ژبه ڕ شەڕو پێکدادانێن پەکەکێ وسوپایێ توڕکیا ، ئیدی خەلکێ وان دەڤەڕان نەشیت قەستا گوندێن خوە بکن .