دوهی پشتی نیڤرۆ تۆپخانێن سۆپایێ توركیا ئه‌وێن ل هنداڤی گوندێ هرۆرێ یا سه‌ر ب ناحیا كانی ماسێ ڤه ب دژواری تۆپباران كر و نێزیكی 15 گۆلله‌یێن تۆپان ل ده‌وروبه‌رێن گوندی داینه و ڤێ چه‌ندێ ترس ل ده‌ف خه‌لكێ گوندی په‌یدا كرییه.
ئازاد ئه‌دیب، موختارێ گوندێ هرۆرێ بۆ رۆژناما ئه‌ڤرۆ دیار كر، دوهی پشتی نیڤرۆ 20/11/2021، بۆ ده‌مێ پتر ژ دو ده‌مژمێران تۆپخانێن سۆپایێ توركیا گوندێ هرۆرێ تۆپباران كر، نێزیكی 15 گۆلله‌یێن تۆپان ل ده‌وروبه‌رێن گوندی داینه، هنده‌ك تۆپ نێزیكی 30 مه‌تران نێزیكی مالێن گوندی كه‌فتینه، ڤێ تۆپبارانێ ترس و دودلی ل ده‌ف خه‌لكێ گوندی په‌یدا كرینه”.
موختارێ گوندێ هرۆرێ گۆت: “سۆپایێ توركیا كاره‌ب و رێك ژی ئیناینه وان ره‌بیێن ل هنداڤی گوندی داناین و ئه‌و ره‌بییا ل رۆژهه‌لاتێ گوندی نێزیكی 500 مه‌تران ژ گوندی دووره، دیسا ژ ئه‌گه‌رێ تۆپبارانێ ئێدی گوندی نه‌شێن بچنه ناڤ ره‌ز و زه‌ڤیێن خوه، هه‌روه‌سا ژ ئه‌گه‌رێ تۆپبارانا سۆپایێ توركیا هه‌تا نوكه حه‌فت وه‌لاتیێن گوندێ هرۆرێ بریندار بووینه”.
Comments are closed, but trackbacks and pingbacks are open.