سیسته‌مێ ئه‌لكترۆنى یێ خانه‌نشینان ل كوردستانێ كه‌فته ‌كارى

ئه‌ڤرۆ پرۆژێ هه‌ڤپشك یێ ئه‌لكترۆنیكرنا مامەلێن خانه‌نشینان ل هه‌رێما كوردستانێ كه‌فته‌ كارى.

دكتۆر دارا ره‌شید، وه‌زیرێ پلاندنانێ یێ هه‌رێما كوردستانی راگه‌هاند، پرۆژێ هه‌ڤپشك یێ دناڤبه‌را وه‌زاره‌تا پلاندانانێ و رێكخراوا USAID یا تایبه‌ت ب سیسته‌مێ ئه‌لكترونى بو خانه‌نشینان، پێكدهێت ژ پلانا سه‌ره‌كى یا كابینا نه‌هێ یا حكومه‌تا هه‌رێما كوردستانێ بۆ خزمەتا هه‌می چین و توێژان و نه‌هێلانا رۆتینێ فەرمانگەهان، د وی چارچووڤەی دا ئه‌ڤرۆ سیسته‌مێ ئه‌لكترۆنى بۆ خانه‌ نشینان دێ دەست بكاربیت و هه‌مى رێڤه‌به‌رییان ڤه‌دگریت و پێكڤه‌ گرێدده‌ت.

ئاما ژه‌ ب هندێ ژى كر، حكومه‌تا هه‌رێما كوردستانێ، تایبه‌ت كابینا نه‌هێ بزاڤێن سیسته‌م كرنا هه‌مى پروسێسێن كارگێری دكەت‌ و سه‌رۆكێ حكومه‌تێ ب هویرى چاڤدێرییا وێ پرۆسێسێ دكه‌ت.