سه‌رۆكێ حكومه‌تا هه‌رێما كوردستانێ رۆژا چوارشه‌مبیا ئه‌ڤرۆ سه‌ره‌دانا ڕێڤه‌به‌ریا هاتنوچوونا هه‌ولێرێ كر و سیسته‌مێ ئه‌لكترۆنیێ ده‌رئینانا موله‌تا شوفێریێ ئێخسته‌كاری و وه‌ك ئێكه‌م بكارئینه‌رێ وی سیسته‌می ل هه‌رێمێ بیه‌ خوان موله‌تا شوفێریا ئه‌لكترونی.
سه‌رۆكێ جڤاتا وه‌زیرێن هه‌رێمێ ڕاگه‌هاند: ب ئه‌لكترۆنیكرنا سیسته‌مێ ده‌رئینانا موله‌تا شوفێریێ و نویكرنا وێ قوناغه‌كا نویه‌، بو ب دوماهیئینانا كاخه‌ز و روتینیاتان د ده‌مه‌كێ كێمدا و ب له‌ز وه‌ڵاتی دشێن ببنه‌ خودان موله‌تا شوفێریێ، ئه‌ڤ پێنگاڤه‌ ژی جهێ ده‌ستخۆشیێ یه‌.
گوت ژی،” ئه‌ڤه‌ دێ بیته‌ بنه‌مایه‌ك بو كومكرنا داتایێن وه‌ڵاتیێن هه‌رێما كوردستانێ، ژنها پێدا هه‌م دێ شێیین موله‌تا هاژووتنا ترۆمبێلێ ب ئه‌لكترۆنی ئه‌نجام بده‌ین، هه‌م ژی بنه‌مایه‌كه‌ داكو خزمه‌تگوزاریێن دی ب شێوه‌یێ ئه‌لكترۆنی بهێنه‌ ئه‌نجامدان”.
ل دویڤ سیسته‌مێ ئه‌لكترۆنیێ ده‌رئینانا موله‌تا شوفێریێ، موله‌تا گشتی و تایبه‌ت نامینیت و چه‌ند جورێن دیێن موله‌تێ دێ جهێ وێ گرن و ل دویڤ ژی و تایبه‌تمه‌ندیان دهێنه‌ ژێك جوداكرن.