سێ ئەفسەرێن ئەمریکا، سکالا قانونى ل سەر دونالد ترامپ سەرۆکێ پێشتر یێ ئەمریکا تۆمارکر و دبێژن، ژ ئەگەرێ هێرشێن ل سەر ئاڤاهیێ کونگرێسی زیانێن جەستەی گەهشتینە وان.
هەر ئێك ژئه‌فسه‌رێن پۆلیسان، كاپیتۆل ماركوس مور، دیڤن كارته‌ر و بۆبی تابرۆن، ژ ئەگەرێ زیان پێگەهشتن ژ لایێ جەستەی و دەروونیڤە داخوازا قەرەبوکرنێ دکەن.
ئەو سێ ئەفسەرە دونالد ترامپی تومەتبار دکەن ب هاندان و رژاندنا وی خەلکی بۆ هێرشا ل سەر کونگرێسێ ئەمریکا ل سالا2021، د بەرامبەردا هەر ئێک ژ وان ئەفسەران داخوازا 75 هزار دولاران وەك قەرەبوو دکەن، دگەل مەزاختیێ چارەسەریێن ساخلەمیا وان.
ل سالا 2021 پشتی دەربرینا نەرازیبوونێ ل سەر هەلبژارتنێن سەرۆکاتیا ئەمریكا، لایەنگرێن ترامپی هێرشی بارەگایێ کونگرێسی ئەمریکا کر و ئالوزیێن مەزن ل دویڤ خوە ئینابوون.
Comments are closed, but trackbacks and pingbacks are open.