سێ بەنداڤ دێ ل سنۆرێ پارێزگەھا دھۆکێ ھێنە چێکرن، دو ژ وان ل دەڤەرداریا ئامێدیێ نە و ئێک ژی ل سنۆرێ ئاکرێ، دێ شیانێن ھەلگرتنا زێدەتر ژ ئێک ملیار مترێن سێجار یێن ئاڤێ ھەبن.
وەزارەتا چاندن و ژێدەرێن ئاڤێ یا حکومەتا ھەرێما کوردستانێ ئاشکراکریە، نوکە ٦٠ کۆمپانیێن ناڤخۆ و نێڤدەولەتی پرۆپۆزەلێن خۆ بۆ ئاڤاکرنا بەنداڤێن ھەرێما کوردستانێ کو یێن دھۆکێ ژی د ناڤ دانە پێشکێشکرینە.
ئەڤ سێ بەنداڤە دێ ل پارێزگەھا دھۆکێ ھێنە چێکرن و دێ شیانێن ھەلگرتنا زێدەتر ژ ملیارەکا مترێن سێ جار یێن ئاڤێ هه‌بن.
گۆت ژی: بەنداڤا رەشاڤا ل دێرەلۆکێ یا سەر ب ئامێدیێ ڤە دێ ھێتە چێکرن، دێ شیانێن ھەلگرتنا ٥٠٠ ملیۆن مترێن سێجار یێن ئاڤ ھەبن، ھەروەسا بەنداڤا باکرمان ل سنۆرێ دەڤەرداریا ئاکرێ ژی دێ ھەمان شیان ھەبن.
رێڤەبەرێ بەنداڤان دوپاتکر، ل سنۆرێ ناوچەداریا بامەرنێ ژی ل گوندێ پاسێ بەنداڤەک دێ ھێتە چێکرن کو شیانێن ھەلگرتنا ٧٠ تا ١٠٠ ملیۆن مترێن سێجار یێن ئاڤێ ھەبن.
ل گۆره‌ى وەزارەتا چاندن و ژێدەرێن ئاڤێ، ژبەر کێمیا بارانان دێ گرنگیێ ب چێکرنا بەنداڤان دەن و ل نێزیک ژى دێ ئەو پڕۆژە کەڤنە د وارێ بجهـ ئینانێ دا.
Comments are closed, but trackbacks and pingbacks are open.