سێ هزار دەرچوو ب خۆدان کار

سێ هزار دەرچوو ب  خۆدان کار

زێ بادینان
وەزیرا چاندن و ژێدەرێن ئاڤێ یا هەرێما كوردستانێ راگەهاند: ل هەولێر 20 سایلۆیێن مەزن هاتینە دروست كرن كو دشیاندایە سێ هزار دەرچوو و دەستێن كاری لێ ب كار بكەڤن.

بێگەرد تالەبانی وەزیرا چاندن و ژێدەرێن ئاڤێ یا حكومەتا هەرێما كوردستانێ پشتی سەرەدانەكا مەیدانی بۆ پڕۆژێن ب بازاڕكرنا گەنمێ جۆتیاران ل پارێزگەها هەولێر گۆت: خۆشبەختانە 85% ێ یا كارێن دروستكرنا سایلۆیان تمام بووینە و گەنمێ ئەڤ سالەیێ جۆتیاران ل وان سایلۆیان دێ هێتە وەگرتن.

تالەبانی گۆت: ئەو پڕۆژە ئێكە ژ پڕۆژێن گرنگێن عیراقێ و هەرێما كوردستانێ كو ل سەر رووبەرێ 12 هزار دۆنەمێن عەردی و وەك قووناغا ئێكێ 20 سایلۆ ل سەر وی رووبەری هاتینە ئاڤا كرن و هەر سایلۆیەكێ شیانا وەرگرتنا 5 هزار تەنێن گەنمی هەیە.

گۆت ژی: ئەڤ پڕۆژە دشێت سێ هزار دەرچوویان و دەستێن كاری ب كار بێخیت و هەیڤا تیرمەها بهێت ئێكەم كاروانێ ئارێ خۆمالییێ ڤی پڕۆژەی دێ گەهیتە بازاڕێن هەرێمێ.