دیدار / دلۆڤان ئاکرەیی
پشتی ئەنجامدانا هەلبژارتنەکا سەرکەڤتی ل هەرێمێ و خولا شەشێ یا پەرلەمانێ کوردستانێ ب رێڤەچووی و تێدا نێزیکی ٧٢٪ یا دەنگدەرێن هەرێما کوردستانێ بەژداری تێدا کری و پشترا کومسیونا هەلبژارتنن ئێراقێ ئەنجامێن هەلبژارتنان راگەهاندی و دەرگەهێن تانەیان ڤەکری و هەرپارتەکا سیاسی ئەنجامێن خۆد پروسەیا هەلبژارتناندا زانین پارتیا دیموکراتا کوردستانێ ب ئەنجامێ ب دەستخستنا زێدەتری هەشت سەدو هەشت هزار دەنگان و ب دەستڤەهینانا ٣٩ کورسیین پەرلەمانی بۆ سەرکەڤتییا ئێکێ و لدیڤ یاسا و رێساین تایبەت ب پێکهینانا کابینەین حکومەتێ مافێ سەرکەڤتی یێ ئێکێیە ب کارێ پێکهینانا حکومەتێ راببیت و پارتی د نهادا لێژنەیەکا تایبەت بۆ گوتوبێژکرنێ ل گەل پارت ولایەنن سیاسی پێکهینایە و دەست ب سەرەدانان ل گەل ئالیین سیاسی ین سەرکەڤتی د هەلبژارتناندا کریە لدیڤ یاساین پەرلەمانی پێتڤییە پشتی بەلاڤکرنا ئەنجامێن تانەیان ژلایێ کومسیونا هەلبژارتنن ئێراقێ ڤە سەروکایەتیا هەرێمێ مەرسومەکی بەلاڤ بکەت و داخاز ل پەرلەمانێ هەرێما کوردستانێ بکەت کۆ ئێکەم کوومبونا خۆ ساز بکەن لدور چەوانیا دەستپێکرنا ئێکەم رونشتن و دەستهەلاتێن پەرلەمانی و چەوانیا هەلبژارتنن پوستێن سەروکێن هەرێمێ و سەروکێ حکومەتێ سەعید هەرکی ئەندامێ خولا بورییا پەرلەمانێ کوردستانێ بۆ روژناما ئەڤرو راگەهاند ئێکەم کومبوونا پەرلەمانێ کوردستانێ دێ ژلایێ سەروکاتییا دیوانا پەرلەمانیڤە هێتە رێکخستن ب ئامادەبوونا ئەندام پەرلەمانن سەرکەڤتی د هەلبژارتنن خولا شەشێ یا پەرلەمانێ کوردستانێ و گوت ئەگەر تەڤایا پەرلەمانتار ژی بەرهەڤی رونشتنا پەرلەمانی نەبن و ژمارا ئامادەبویان پێنجی کۆ ئێک بیت ژی دێ رونشتنا پەرلەمانی ب سەروکایەتیا ب تەمەنترین ئەندام پەرلەمانێ خولا شەشێ ب رێڤەچیتن ولدور دانا باوەریێ و هەلبژارتنا سەروکێ هەرێمێ گوت کۆ پشتی کاندیدێ پوستێ سەروکێ هەرێمێ دهێنە دیارکرن ب ئامادەبوونا ئەندام پەرلەمانان و ئەنجامێ پێنچی کۆ ئێک یا دەنگێن ئەندام پەرلەمانان
دێ باوەری ب سەروکێ هەرێمێ هێتە دان و لدور چەوانیا ئێک لاکرنا پوستێ سەروکێ هەرێمێ کۆ ئەگەر هەڤڕک هەبیت ئاشکرا کر کۆ ئەگەر د خولا ئێکێدا هەر ئێک ژوان ئەنجامێ پێنچی کۆ ئێک ب دەستخست دێ بیتە سەروکێ هەرێمێ و ئەگەر ژی نەشیان د خولا ئێکێدا ڤی ئەنجامی ب دەست بێخن دخولا دوویێ یا هەلبژارتنا پوستێ سەروکێ هەرێمێ هەر کاندیدێ ژمارا دەنگان زێدەتر ژێ هەڤڕکێ خو ب دەستبێخیت دێ بیتە سەروکێ هەرێمێ سەعید هەرکی بۆ روژناما ئەڤرو گوت ژی کۆ هەمان سەرەدەری وشێوازێ هەلبژارتنان ژی بۆ سەروکێ حکومەتێ دهێتە کرن هەرکی لدور دەستهەلاتێن پەرلەمانی گوت کۆ پوستێ سەروکێ پەرلەمانی پوستەکێ تەشریفاتییە و چێ دەستهەلاتەک نینە ومینا رەمزەک دهێتە دانان کۆ ڤالاتی دڤی پوستیدا نەبیتن و بەحسی وێ چەندێ ژی کر کۆ پەرلەمانی ماڤێ دەرکرن و دانا چێ بریار و یاسا و لێپرسینان نینە هەیا کۆ حکومەت تێتە پێکهینان
Comments are closed, but trackbacks and pingbacks are open.