سەرۆكێ هەرێمێ نامەیەك دەربارێ كەركوك ئاراستەی جڤاتا ئاسایشێ كر
نێچیرڤان بارزانی سەرۆكێ هەرێما كوردستانێ داخوازكر جڤاكێ نێڤدەولەتی ڕۆڵەكێ زێدەتر دجێبەجێكرنا ماددێ 140 یێ دەستوورێ عیراقێ و چارەسەركرنا كێشەیێن دناڤبەرا بەغدا و هەولێردا بگێڕیت.
دنامەكا تایبەتدا كو ئاراستەی سكرتێرێ گشتیێ نەتەوێن ئێكگرتی و 15 وەڵاتێن ئەندام دجڤاتا ئاسایشا نێڤدەولەتیدا كرییە، سەرۆكێ هەرێمێ هژمارەكا داخوازیان ژ ناڤەندا بڕیارێن نێڤدەولەتی كرن، و ئێكلاكرنا پرسا كەركوك و دەڤەرێن ڤەقەتیایی و چارەسەركرنا كێشەیێن دناڤبەرا بەغدا و هەولێردا، داخوازیێن سەرەكیێن نێچیرڤان بارزانی بوون ژ جڤاتا ئاسایشا نێڤدەولەتی كرین.
دیسان نێچیرڤان بارزانی داخوازا هاریكاریێن مرۆڤاتی بۆ ئاوارەیێن لهەرێما كوردستانێ ژ نەتەوێن ئێكگرتی كرییە.
هەر دوێ نامێدا سەرۆكێ هەرێمێ پشتەڤانییا هەرێمێ بۆ داخوازیێن عیراقێ دەربڕییە سەبارەت ئەكتیڤكرنا ڕۆڵێ نەتەوێن ئێكگرتی بۆ بڕێڤەبرنا هەلبژاردنێن پێشوەختێن عیراقێ و گەرەنتیكرنا ئەنجامدانا پڕۆسەكا پاقژ و دوور ژ هەموو جورێن پێشلكاریان ل چریا ئێكێ یا ئەڤ ساڵە.
Comments are closed, but trackbacks and pingbacks are open.