سه‌رۆك بارزانى ئه‌ڤرۆ ل سه‌لاحه‌دین پێشوازى ل ئێریك شوڤالیى، بالیۆزێ فه‌ره‌نسا ل عیراقێ كر.
ددیدارا خوه دا كۆ تێدا ئولیڤییا دێكۆتینى، كۆنسولێ فه‌ره‌نسا ل هه‌ولێرێ ژى ئاماده‌بوو، بالیۆزێ فه‌ره‌نسا ل عیراقێ سوپاسییا سه‌رۆك بارزانى كر بۆ وێ ده‌ستپێشخه‌رییا وى بۆ پرۆسا سیاسى یا عیراقێ راگه‌هاندى و هیڤى خواست ئه‌و یه‌ك ببیته ئه‌گه‌رێ نه‌هێلانا ئاسته‌نگێن پرۆسا سیاسى یا عیراقێ.
ژلایێ خوه ڤه سه‌رۆك بارزانى راگه‌هاند، باشترین رێك بۆ لایه‌نێن سیاسى دویركه‌فتنه ژ توندوتیژییێ و په‌نابرنا به‌ر دانوستاندن و لێكتێگه‌هشتنا سیاسى یه.
گه‌فێن ڤان داوییان یێن تیرۆرستێن داعشێ ته‌وه‌ره‌كێ دى یێ كۆمبوونێ بوون و بالیۆزێ فه‌ره‌نسا دۆپاتى ل به‌رده‌وامییا هاریكارى و هه‌ماهه‌نگییا هه‌ڤپه‌یمانان دگه‌ل هێزێن پێشمه‌رگه‌ى كر.
Comments are closed, but trackbacks and pingbacks are open.