سەرۆکاتیا هەرێما کوردستانێ هێرشا ئەڤرۆ یا پەکەکێ ل سەر پێشمەرگەیی ل چیایێ مەتیان شەرمزار کر.
د راگەهاندنا سەرۆکاتیا ژهەرێما دا هاتیە، “ب توندى ئیدانەیا وێ هێرشێ دکەین ئەوا بەرێ سپێدەیا ئەڤرۆ چەکدارێن پەکەکێ ل دەڤەرا مەتینا ل سنۆرێ ئامێدیێ کریە سەر پێشمەرگەى و د ئەنجام دا پێنج پێشمەرگە شەهید بووینە و ژمارەیەکا دى ژى بریندار بووینە و سەرەخۆشیێ ل کەسوکارێن شەهیدان دکەین و هەڤپشکێن خەما وانین و هیڤیا زوى چاکبوونێ بۆ برینداران دخوازین.
هەروەسا هاتیە،”دوپات دکەین کو پێدڤیە سنۆرەک بۆ ڤان رەفتارێن پەکەکێ بەرامبەر هەرێما کوردستانێ بهێتە دانان و ب چ رەنگان نابیت بەردەوام بن”.
د بەیاننامەیێ دا هاتیە”هیچ رێزێ ل ئیدارە و یاسایێن هەرێما کوردستانێ ناگرن و بەردەوام ئارامى و سەقامگیریا گەل و وەلاتێ مە دئێخنە بەر گەف و مەترسیان”.
د راگەهاندنێ دا هاتیە نڤیسین ژی”دوبارە داخواز دکەین و هۆشداریێ ددەین کو پەکەکە زێدەتر نەبیتە ئەگەرێ ئالۆزى و تێکدانێ، چەکدارێن خۆ ژ سنۆرێن هەرێما کوردستانێ دویر بکەت و رێزێ ل قەوارە و ئیدارە و سنۆرێن هەرێمێ بگریت و ئاخا کوردستانێ نەکەتە پێگەهەک بۆ هێرشکرنێ ل سەر وەلاتێن جیران و تێکدانا ئارامى و سەقامگیریێ، حکومەتا فیدرالى یا ئیراقێ ژى دڤێت د ڤى دەربارەى دا ئەرک و بەرپرسیاریێن خۆ جێبەجێبکەت”.
Comments are closed, but trackbacks and pingbacks are open.