سەرۆکێ توونس کودەتا ب سەر حکومەت و پەڕلەمانی دا کر
26 تیرمەهـ، 202
زێ بادینان
سەرۆکێ توونسێ حکومەت هەلوەشاند و کارێ پەڕلەمانی ژی راگرت و پارێزبەندی ل سەر هەمی پەڕلەمانتاران راکر.
پشتی خونیشاندانێن بەردەوام یێن خەلکێ توونسێ و نەرازیبوونێن وان دژی حکومەت و پەڕلەمانی، قەیس سەعید، سەرۆکێ توونسێ د بریارەکا نەچاڤەرێکری دا حکومەتا وەلاتێ خۆ هەلوەشاند و کارێ پەڕلەمانی ژی راگرت و پارێزبەندی ل سەر هەمی پەڕلەمانتاران راکر.
خەلکێ توونسێ ژ بریارا سەرۆکی کەیڤخوشن و رژیانە سەر جادەیان و ئاهەنگ گێران و پشتەڤانیا خۆ بریاری دیار کر.
راشد غەنووشی، سەرۆکێ پەڕلەمانێ توونسێ ئەڤرۆ سپێدێ بزاڤ کرن ل گەل ژمارەکا پەڕلەمانتاران بچنە د ئاڤاهیێ پەڕلەمانی ڤە، لێ سوپای رێک نەدایێ و قەیس سەعید هوشداری دان و گۆت: هەر کەسێ فیشەکەکێ ژی ب تەقینیت، سوپای دێ بەرسڤێ دەت.
میدیایێن توونسێ و وەلاتێن ئیسلامی ڤێ بریارا سەرۆکێ توونسێ ب کودەتا ناڤ دکەن و هندەک ژی دبێژن، ئەڤ بریارە دژی حزبا نەهزە یا سەر ب ئیخوان و موسلمین ڤە بوو و پێگەهێ وان لاواز کر.
Comments are closed, but trackbacks and pingbacks are open.