زێ بادینان
سەرۆکێ دەزگەهێ لوتکە بۆ کاروبارێن ئاوارە و کۆچبەران ڕاگەهاند، بتنێ د ئەڤ سالە دا ٣٥ هزار عێراقیان داخازا پەنابەریێ ژ وەلاتیێن ئەورۆپا کریە و ژ وێ رێژێ ژی ٧٠%ێ خەلکێ هەرێما کوردستانێ نە.
ئاری جەلال سەرۆکێ دەزگەهێ لوتکە بۆ کاروبارێن کۆچبەران بۆ دەنگێ ئەمریکا ڕاگەهاند، رێژا بێکاریێ گەلەک زێدەیە ل وەلاتیێن تورکیا و یۆنان و لیتوانیا و د ڕەوشەکا خرابدا دەربازدبن و بەشەک ژ وان ژی دناڤ زینداناندا بێ سەروشینن.
ئاماژە ب وێیەکێ ژی کر، ل گۆرەی وان ئامارین دەستپێکی یێن کو ب دەست وان کەفتینە، ل دەستپێکا ئەڤ سالە و هەیا نها زێدەەتری ٣٥ هزار کەسان خۆ گەهاندیە وەلاتیێن ئەورۆپی و داخازا مافێ پەنابەریێ پێشکێشکریە.
ئاری جەلال بەحسا وێیەکێ ژی کر، ل سالا ٢٠١٥ێ و هەیا نها زێدەتر ژ ٤٥٠ کەسان د رێکا ئەورۆپا دا خەندقینە یان ب رێکێن جودا ژیانا خۆ ژ دەستدانە و رێژەیەکا زێدەیا وان کەسان ژی تەرمێ وان هاتنە دیتن، لێ بۆ کەسوکارێن وان نەهاتنە ڤەگەراندن، هندەکێن دی ژی بێسەروشینن و هەیا نها فایلێن وان ب ڤەکری ماینە بۆ وێیەکێ بشێن چارەنڤێسێ وان بۆ کەسوکارێن وان دیاربکەن.
دەربارەی وان کۆچبەرێن عێراقی ئەوێن ل وەلاتێ لیتوانیا و ڕەوشا وان یا خراب، سەرۆکێ دەزگەهێ لوتکە گوت، “ئەو کۆچبەرە دنهادا دخوازن ب رێکەکا نوی خۆ بگەهینن ئەورۆپا دیارە ژ ئالیێ گرۆپ و باندێن قاچاخچیاڤە ژ ئالیێ وان نڤیسینگەهێن کو کارێ پێدانا فیزێ دکەن بۆ وەلاتیان رێکێن جودا دببینن و وەکی چاوا د دەما سالێن دەربازبوویدا ل تورکیا جودا رێک دیتن”.
Comments are closed, but trackbacks and pingbacks are open.