سەرۆکێ رۆسیا، تورکیا و ئیرانێ سوبەهی رۆژا سێشەمبی دێ ل تەهرانێ کۆم بن

سەرۆکێ رۆسیا، تورکیا و ئیرانێ سوبەهی رۆژا سێشەمبی دێ ل تەهرانێ کۆم بنسەرۆکێ رۆسیا، تورکیا و ئیرانێ سوبەهی رۆژا سێشەمبی دێ ل تەهرانێ کۆم بن و رەوشا سووریێ بابەتێ سەرەکی یێ کۆمبوونا وانە و ئۆپەراسیۆنا سەربازی یا تورکیا ژی ل دەڤەرێن باکۆرێ رۆژهەلاتێ سووریێ دێ ل سەر مێزا وان هێتە بەحسکرن.

بریارە سوبەهی هەر ئێک ژ ڤلادیمێر پۆتین و رەجەب تەیب ئەردۆغان سەرەدانا تەهرانێ بکەن، ل گەل ئیبراهیم رەئیسی دێ کۆمبوونا سێقولی دەستپێکەن و رەوشا سووریێ ب گشتی بەحس کەن.

هەر سێ وەلاتان دەست ل گەل شەرێ ناڤخۆ یێ سووریێ هەیە، رۆسیا و ئیران پشتەڤانیا رژێما بەشار ئەسەدی دکەن، تورکیا ژی پشتەڤانیا ئۆپۆزسیۆنێ دکەت، پێشتر هەرسێ وەلات د چارچووڤێ دانوستاندنێن ئەستانا دا دەربارەی وی وەلاتی کۆم بووینە.

پێشتر ئەردۆغانی گەفێن دەستپێکرنا هێرشا سەربازی ل باکۆرێ رۆژهەلاتێ سووریێ کرینە، ئیرانێ ژی دلگرانیا خۆ دیار کریە، رۆسیا ژی بەردەوامە د شەرێ ئۆکراینا دا و تورکیا چەندین جاران داخواز کریە شەر راوەستیت و داخوازا کۆمبوونان ل گەل رۆسیا کریە.

ڤلادیمێر سۆتنیکی، شرۆڤەکارێ سیاسی یێ رۆسی بۆ میدیایێن ئەورۆپی گۆت: ئەڤ کۆمبوونە یا گرنگە، ئەردۆغان ل پشتەڤانیا هەردو وەلاتان دگەریت بۆ ئۆپەراسیۆنا سەربازی ل سووریێ و پۆتین ژی هەمان مەرەم هەیە بۆ بەردەوامیدانێ ب هێرشا ل سەر ئۆکراینا.