پشتی دەست ب سەرداگرتنا کۆچکا وی ژ ئالیێ خۆنیشاندەران ڤە، ل سپێدەیا ئەڤرۆ گۆتابایا راجاپاکسایی سەرۆکێ سریلانکا خۆ گەهاندە گزیرتێن مالدیڤ.
ئاژانسا فرانس پرێس دیار کرییە، راجاپاسکا و خێزانا خۆ ل سپێدەیا ئەڤرۆ ب رێیا فرۆکخانا کۆلۆمبۆ یا پایتەخت گەهشتییە مالدیڤ و رێکارێن دەستبەرداربوونێ ژ پۆستێ خۆ ل وی وەلاتی جێبەجێ دکەت.
گۆتییە ژی، ل گەل گەهشتنا وان بۆ مالدیڤ، سەرۆکێ سریلانکا و خێزانا خۆ لژێر چاڤدێریا چڕا پۆلیسان دایە و بەرەڤ جهەکێ نەدیار چوویە.
ئەو ژی د دەمەکێ دایە، ژبەر خرابیا رێڤەبرنا وەلاتی و قەیرانێن دارایی و سوتەمەنیێ، نەهـی ڤێ مەهێ خۆنیشاندانان ل سریلانکا دەستێکر و خۆنیشاندەر چوونە سەر مالا گۆتابایا راجاپاسکا و دەست بسەر کۆچکا وی دا گرت و ناڤ هاتی ژی بەرەڤ جهەکێ نەدیار ڕەڤی.
Comments are closed, but trackbacks and pingbacks are open.