سەرۆکێ هەرێمێ ، بزانە د پەیاما خۆدا چ گوتیە
زێ بادینان .
سه‌رۆكێ هه‌رێما كوردستانێ ب هه‌لكه‌فتا هاتنا جه‌ژنا ره‌مه‌زانا پیرۆز په‌یامه‌ك به‌لاڤكر و راگه‌هاند، بلا هه‌موو لاپه‌ره‌كێ نوو پێكڤه ڤه‌كه‌ن و ئێكدو قه‌بوول بكه‌ن، هه‌تا پێكڤه بشێن خزمه‌ته‌كا باشتر بۆ گه‌ل و وه‌لاتێ خوه بكه‌ن.
نێچیرڤان بارزانی د په‌یاما خوه‌دا گۆت: بلا هه‌موو رامان و واتایێن جه‌ژنێ بۆ ئاشتیێ و لێبوورینێ و پێكهاتنێ ل گه‌ل خوه و ده‌روبه‌رێن خوه و هه‌موویان بن، جه‌ژنێ بكه‌نه بنه‌مایه‌ك بۆ په‌یوه‌ندیێن باشتر و گاڤێن پاشه‌رۆژێ.
د پشكه‌كا دییا په‌یاما سه‌رۆكێ هه‌رێما كوردستانێ دا هاتییه، بلا ل ناڤخوه‌یا هه‌رێما كوردستانێ و ل هه‌موو ئیراقێ جه‌ژنێ بكه‌نه ده‌رفه‌ته‌ك بۆ پێچانا ئێكجارییا لاپه‌رێن ره‌ق و ئێكدوشكاندنێ و زمانێ زڤر و ب دل و نیازه‌كا پاك بكه‌نه ده‌ستپێكه‌كا نوو و هه‌ڤپشك و هاریكارى د ناڤبه‌را هه‌موو لایه‌ن و پێكهاته‌یان بۆ چاره‌سه‌رییا ئالۆزى و ئاریشه‌و و ده‌ربازكرنا قه‌یرانان و هه‌موو ل ئاستێ به‌رپرسیاره‌تییا مرۆڤى و نیشتمانێ خوه دا بن.
Comments are closed, but trackbacks and pingbacks are open.