سەرۆکێ پەرلەمانێ ئیراقێ ئەڤرۆ سپێدێ ژمارەکا مەرجان بۆ دەستپێکرنا کۆمبوونێن دانوستاندنێن کۆنگرەیێ نشتیمانی یێ بهێت بەلاڤکرن.
محەمەد حەلبووسی د بەیانا خۆ دا نڤیسیە: پێدڤیە د کۆمبوونێن کۆنگرەیێ نشتیمانی دا ژمارەکا بریاران بهێنە بجهئینان کو بێی وان پرۆسەیا سیاسی برێڤە ناچیت. بریار ب ڤی رەنگی نە:
– دیارکرنا ژڤانێ هەلبژارتنێن پێشوەخت یێن پەرلەمان و جڤاتێن پارێزگەهان کو ژ ئەڤسالە دەرباز نەبیت.
– سەرۆککۆمار بهێتە هەلبژارتن.
– هەلبژارتنا حکومەتا ب تەمام دەستهەلات و پێدڤیە رێککەفتن ل سەر بهێتە کرن و جهێ باوەریا هەمیان بیت.
– دوبارە شرۆڤەکرنا مادەیێ 76 یێ دەستووری.
– دەرخستنا قانوونا بودجەیا گشتی یا فیدرال.
– هێلان یان گوهۆڕینا قانوونا هەلبژارتنێن پەرلەمانی.
– دەرخستنا قانوونا دادگەها فیدرال یا بلند ل گۆرەی مادەیێ 92 یێ دەستووری.
– دوبارە بەلاڤکرنا هێزێن سەربازی و ئەمنی، پێدڤیە بەلاڤکرنا هێزێ و ئێمنکرنا هەمی باژێران د دەستێ وەزارەتا ناڤخۆ دابیت، هەمی هێزێن دی ل جهێ خۆ ل بنگەهێن راهێنان و وان خالان بن یێن سەرکرداتیا سەربازی بریارێ ل سەر ددەت و د حالەتێ ئامادەباشیێ دا بن بۆ هەر حالەتەکێ نەچاڤەرێکری.
– ڤەگەریانا بلەز یا هەمی ئاوارەیێن بێگونەهـ یێن کو ژ مالێن خۆ دەرکەفتین و نەشێن ڤەگەرن.
– رێکخستنا پەیوەندیێن حکومەتا فیدرال و حکومەتا هەرێما کوردستانێ ب رێککەفتنەکا ئاشکرا و دیار بۆ هەمی خەلکی تاکو قانوونا نەفت و غازێ دهێتە دەرخستن.
Comments are closed, but trackbacks and pingbacks are open.