سەرۆک بارزانی ، پەیامەکا پیرۆزباهیێ بەلاڤکر

پەیاما پیرۆزباهییا سەرۆک بارزانی ب هەلکەفتا بیست و هەشت ساڵیا دامەزراندنا بنگەهێ لالش

بناڤێ خودایێ مەزن و دلۆڤان

بەرێزان سەرۆک و ئەندامێن دەستەیا بلندا بنگەهێ لالش
ب هەلکەفتا بیست و هەشت ساڵیا دامەزراندنا بنگەهێ لالش پیرۆزباهیێن خۆ ئاراستەی ھەوەیێن بەرێز و ئەندام و کادرێن بنگەهێ لالش و هەموو خوشک و برایێن ئێزدی دکەم. بنگەهێ لالش د سالێن بووریدا دگه‌ل هه‌مى كۆسپ و ئاسته‌نگیان، ب هه‌ولا كادر و ڕەوشەنبیرێت جڤاكا ئێزدی، به‌رده‌وام پێشكه‌فتیه‌ و خزمەتەكا بەرچاڤ پێشكەشی كولتوورێ گەلێ كوردستانێ و پاراستنا نەریتێت جڤاكا ئێزدیان كریە.
پشتەڤانیێ ل بزاڤ و ماندیبوونا بنگەهی دکەم و هیڤییا بەردەوامیێ و پێشکەفتنێ بۆ هەوە و هیڤیا ئارامی و خۆشیێ بۆ هەموو خوشک و برایێن ئێزدی دخوازم و هەر سەرکەفتی بن.

بمینن دخێر و خۆشیاندا

مسعود بارزانی
١١ـی ئایارا ٢٠٢١