سەرۆک بارزانی: پێدڤییە ب زووترین دەم تۆلا خوینا شەهیدێن مە ژ دوژمنی بهێتە ڤەکرن
سەرۆک مەسعود بارزانی پەیامەک بەلاڤکر و تێدا راگەهاندییە، سەرەخوشیێن خوە ل وێ شێرە ژنێ دکەم یا کو شڤێدی سێ ژ کورێن وێ گەهشتینە کاروانێ نەمران و شەهیدبوون.
سەرۆک بارزانی د پەیاما خوەدا دیارکر؛ ب مخابنی ڤە شڤێدی ل دەڤەرێن سەرگەران و قەرەچوخ هژمارەکا وەلاتیێن مەدەنی و پێشمەرگەی شەهید و بریندار بوون.
بارزانی د پەیاما خوەدا دیارکر؛ سەرەخوشیێن خوە ل وێ شێرە ژنێ دکەم یا کو شڤێدی سێ ژ کورێن وێ گەهشتینە کاروانێ نەمران و شەهیدبوون، گوتنێن وێ ژنێ بۆ مە هەموویان جهێ ورە یێ و پێداگیریێ و بەردەوامیێ نە ل سەر رێبازا گەلێ مە، ژدل سۆپاسیا وێ دکەم.
سەرۆک مەسعود بارزانی؛ ژبۆ پاراستنا خاک و وەلاتی پێدڤییە پێداچوون د کاروبارێن هێزێن پێشمەرگەیی و هێلێن بەرگریێ دا بهێنە کرن و رێکارێن پێدڤی بەرامبەر هەر کەمتەرخەمییەکێ بهێنە وەرگرتن، پێدڤییە ب زووترین دەم تۆلا شەهیدێن مە ژ دوژمنی بهێتە ڤەکرن.
Comments are closed, but trackbacks and pingbacks are open.