مەسعود بارزانی سەرۆکێ ، پەیامەکا پیرۆزباهیێ دەربارەی هەلبژارتنا دەستەیا سەرۆکاتیا پەرلەمانێ عێراقێ بەلاڤکر.
د پەیاما خۆدا مەسعود بارزانی، پیرۆزباهی ل هەر ئێک ژ سەرۆکێ پەرلەمانی و هەردوو جێگرێن وی کر.
دبێژیت ژی، “ئەڤ پێنگاڤە دەستپێکەکا گەلەک باشە بۆ راستەرێکرنا پرۆسەیا سیاسی و بنەمایەکەژی بۆ دامەزراندنا داهاتیەکێ گەش و سەقامگێری و بهێزترکرنا دیموکراسی و شەراکەتێ د عێراقێدا”.
ئاماژە ب وێیەکێ کر، “سوپاسیا ئالیێن سیاسی دکەم کو پێگری سوزێن خۆ بوون و بوونە سەدەمێ سەرکەفتنا پرۆسێ”.
د پشکەکا دیا پەیاما خۆدا، مەسعود بارزانی دبێژیت، “ب پشتراستی پێنگاڤا ئەڤرۆ یا جڤاتا نوینەرێن عێراقێ دێ دەرفەتەک بیت بۆ بدەستڤە ئینانا ئێکرێزیێ و ڤەکرنا پەرەکێ نوویە و دەربازکرنا تەحەدیاتانە و لێکتێنەگەهشتنا”.
بەحسا وێیەکێ ژی کر، “هەلبژارتنا دەستەیا سەرۆکاتیا پەرلەمانێ عێراقێ دێ دەرازینکەک بیت بۆ دروستبوونا باوەریا دناڤبەرا پێکهاتەیان و ریشالێن دانانا دەولەتا موئەسەسات”.
دوهی ئێکەم روینشتنا پەرلەمانێ عێراقێ بڕێڤەچوو و تێدا محەمەد حەلبوسی ب سەرۆکێ پەرلەمانی و هەر ئێک ژ حاکم زاملی ژ فراکسیۆنا سەدر ب جێگرێ ئێکێ و شاخەوان عەبدولا ژ فراکسیۆنا پارتی ب جێگرێ دووێ یێ سەرۆکێ پەرلەمانی هاتە هەلبژاتن.
Comments are closed, but trackbacks and pingbacks are open.