دیدار ، زێ بادینان
د سەرەدانەکا ١٠ روژی دا بۆ ئوروپا مە وەک لیژنا شەهیدان، جینوساید و زیندانیێن سیاسی ل پەرلەمانێ کوردستانێ سەردانێن هەرسێ وولاتێن فرەنسا، بلژیک و ئەلمانیا کر ب مەرەما گەهاندنا دەنگێ وان ئێش و ئازارێن گەلێ کوردستانێ لسەردەمێ رژێما بەعس دیتین و ژوانا ژی پروسێن ئەنفالا، کیمیابارانکرنێ، تەعریبێ و وێرانکرنا بهزاران گوندێن هەرێمێ کو تا نها ژی نیشانێن زیانێن وێ یێن ئابوری و تەندروستی و جڤاکی لسەر خەلک و وارێ مە ددیارن.
د ڤێ دیدارێ دا دەربارێ سەرەدانا وانا بک دەرڤە ئەندام پەرلەمانتار ژیان تاهر زێوەی بۆ بۆمالپەڕێ “ زێ بادینان ” گوت ، سەرەدانێت مە پێک هاتبوون ژ ڤان لایەنێن ل خارێ دیار کری:
١) فرەنسا: بمەرەما زانینا هۆکارێن پەسند نەکرنا وی پروژێ ل پەرلەمانێ فرەنسا هاتی پێشکێش کرن بو ب جینوساید ناسینا وان تاوانێن دژ گەلێ مە هاتینە ئەنجامدان و ڤەدیتنا رێگەچارەکێ ژ بۆ دوبارە کارکرن لسەر پروژەی. هەر وەسا سەردانا زانکویا ئینالکو (کو ئێک ژ مەزنترین زانکویێن زمان و روژهەلاتناسیێ یە ل جیهانێ )بمەرەما دەست خوشی کرن ل سەروکێ بەشێ کوردی( دکتور ئامر طاهر زێوەی) کو د بەرنامێ خاندنا وی بەشی دا بابەتێن جینوساید ، ئەنفال و هەروەسا مێژوویا شورشێن ئێک ل دویف ئێکێن کوردی کرینە د پروگرامێ خاندنا وی بەشی دا.
٢) ل بەلژیکا: ل پەرلەمانێ فدرالێ بەلژیکا ئەم دگەل وان پەرلەمانتارێن بەلژیکی روینشتین یێن کو کار لسەر جینوسایدا گەلێ مە یێ ئێزدی کری و هۆکارێن سەرەکی بوون کو تاوانا دژ ئێزدیان هاتی ئەنجامدان ب جینوساید بهێتە ناسین. د ڤێ سەردانێ دا بناڤێ لیژنا شەهیدان و هەروەسا بناڤێ هەمی خەلکێ کوردستانێ بتایبەت خویشک و برایێن ئێزدی مە سۆپاسیا وان کر. هەر وەسا مە داخواز ژێ کر هەمی ئەو تاوانێن دژ گەلێ مە هاتینە ئەنجامدان ( کیمیابارانا هەلەبجە، ئەنفالێن بارزانیان، بادینان، گەرمیان و پروسا دەرکرن و دویرکرنا فەیلییان ژ جی و وارێ وان و وێران کرنا ٤٥٠٠ خانیان) ب جینوساید بناسینن و مە دوو پەرتوک کو پێک هاتبوون ژ بەلگە و دیکومێنتێن پێتڤی مە پێشکێشی وان کرن و داخواز ژێ کر سەردانا کوردستانێ بکەن و ئەم وەکو لیژنا تایبەتمەند هەر بەلگەیەکێ ئەو پێتڤی ببنێ دێ بەرهەڤ کەین وهاریکاریا وان کەین کو سەردانێن هەمی وان جها بکەن یێن کو تا نوکە ژی شینوارێن تاوانێن رژێما بەعس لێ دیار.
٣) د دویڤدا بەشداری کونفرانسێ قوربانیێن دەستێ تیرورێ بووین کو ژ لایێ پەرلەمانتارێن پەرلەمانێ فدرالا بەلژیکا هاتبوو رێکخستن و تێدا بەرێز بابا شێخ و چەند کەساتیێن ئێزدی بەشدار ببون.
٤) هەروەسا هەر ل بروکسل مە چەند ئەندام پەرلەمانێن پەرلەمانێ ئوروپا دیتن و هەمان داخوازی مە ژ وان ژی کرن و دوو پەرتوکێن تایبەت ب بەلگە و دیکومێنتا مە پێشکێشی وان ژی کرن.
٥) ل وولاتێ ئەلمانیا : ل بەرلین مە سەرا پەرلەمانتارێ گەنجێ کورد دا (کو سەرب پارتا کەسکا ئەلمانیە )و د وێ سەردانێ دا کو راوێشکارێ کاروبارێن روژهەلاتا ناڤین ل پەرلەمانێ فدرالێ ئەلمانیا ئامادەی کومبوونێ ببوو، هەمان پرس و ئامانجا سەردانێ هاتە بەحس کرن. هەروەسا سەرەرای پیروزباهی کرنێ د سەرکەفتنا وی دا ل هەلبژارتنێن پەرلەمانێ فدرالێ ئەلمانیا مە داخاز ژ وی پەرلەمانتارێ کورد کر وەکو کوردەک ئەو ژی هاریکار بیت دگەل مە دا و دەورێ خو ببینیت.
٦) هەر وەسا ل پەرلەمانێ هەرێما شلیسڤیگ هولشتاین ئەم دگەل سەروکێ فراکسیو نا پارتا (CDU) )(کو مەزنترین حزبە ل ئەلمانیا)و هەروەسا ئەندام و بەربژێرەکا نوی یا وێ پارتێ کومبووین و د کومبوونێ دا بناڤێ گەلێ کورد مە سوپاسیا وان کر بۆ هاریکاریا وان پێشکێشی پێشمەرگێن قارەمان کری لدەمێ شەرێ دژی تیروریستێن داعش و پاش هەمان پرس و ئامانجا سەردانێ مە بو بەحس کر و هەمان داخوازی مە ژێکرن کو ئەو ژی ب جینوساید ناسینا هەمی وان تاوانێن دژ گەلێ مە هاتینە ئەنجامدان و هاندانا عیراقێ بو قەرەبوو کرنا هەمی وان خەلکێن زیانێن ماددی و مەعنەوی یێن ڤێکەفتی.
سۆپاس و پێزانین بۆ هەمی وان کەساتی و لایەنێن هاریکار دگەل مەدا بۆ رێکخستنا ڤان سەردانان و بتایبەت کاک دلاوەر ئاژگەیی کو بەردەوام دسەردانێن وولاتێ بەلژیکا دا دگەل مە دابوو.
Comments are closed, but trackbacks and pingbacks are open.