زێ دینان
ئه‌كته‌رێ كۆمێدی (سه‌عید حه‌سه‌ن) د دیداره‌كی َدا بۆ ئه‌ڤرۆ گۆت: راسته ئه‌ڤه ده‌مه‌كه ژ زارڤه‌كرنێ دوور كه‌فتیم و هه‌ڤالێن من یێن كۆما (په‌یام) نوكه كاردكه‌ن، به‌لێ ژبلی كارێ هونه‌ری كاره‌كێ دی ژی یێ حكومه‌تێ دكه‌م و هه‌كه به‌س ده‌م ب گونجیت یێ ئاماده‌مه ل گه‌ل وان كاربكه‌م، چونكو ئه‌م ل گه‌ل ئێك دجوانین و د نوكه دا پتریا زارڤه‌كه‌ران كارێ ریكلامێن جهێن جودا جودا دكه‌ن و گه‌له‌ك جهان ژی داخواز ژ من كرینه ریكلاما وان بكه‌م، به‌لی َمن نه‌ڤێت خوه ب كارێ ریكلامان ڤه بكه‌م.
سه‌عیدی گۆت: رۆلێ كه‌سێن دین من ب باشی گێراینه و دهێته هژمارتن ژ رۆلێن ب زه‌حمه‌ت و هه‌ڤالێن من ژی یێن زارڤه‌كه‌ر دشێن رۆلێن كه‌سێن دین ب گێرن، لێ پتر ل گه‌ل كه‌سایه‌تیا من دگونجن و رۆلێن تراژیدی ژی من گێراینه دۆفلمێ (نه‌خش) دا دیسان ل سالا 1983 ل فیسته‌ڤالا شانۆیێ من شانۆگه‌ری ژی گێراینه، به‌لێ سالانه فلمه فیسته‌ڤالا دهۆكێ دهێته گێران و مه داخواز ناكه‌ن و ئه‌ز به‌رپرسێ كۆما په‌یامم ل ئامێدیێ و سالانه ل په‌یمانگه‌ها هونه‌رێن جوان گه‌له‌ك قوتابی ژ پشكا شانۆیێ ده‌رچن بۆچی هه‌تا نوكه كه‌سێ جهێ مه نه‌گرتیه و دیاره ئه‌م د ئاستێ وی كاری دا نینن.
ل دووماهیێ گۆت: هونه‌ر نوكه بۆ هونه‌رمه‌ندان وه‌كو خارنێ یه و نه‌شێن بێ هونه‌ر بژین، به‌لێ د نوكه دا هونه‌رمه‌ند نه‌شێت خوه ب كارێ هونه‌ری خوه خودان بكه‌ت و هه‌كه ئه‌ز ب هیڤیا كارێ خوه یێ حكومی ڤه نه‌بام دا ل نانی گه‌رم، به‌لێ زارڤه‌كرنێ بینه‌ره‌كێ مه‌زن دایه من و رێزێ ل من و كارێ من دگرن و چو ژ من نه وه‌رگرتیه.
Comments are closed, but trackbacks and pingbacks are open.