سەقاناسیا هەرێمێ ڕاگەهاند، ل دەرەنگیا ئەڤ شەڤە دگەل لێدانا برسیان باران دێ باریت

سەقاناسیا هەرێمێ ڕاگەهاند، ل دەرەنگیا ئەڤ شەڤە دگەل لێدانا برسیان باران دێ باریت و رێژا بارانێ ل دەڤەرێن چیایی زێدەتر دبیت، دەربارەی سوبەهی ژی دیارکریە، سپێدێ زووی باران دێ باریت و پشتڕە دێ بۆ عەورێن تەمام هیتە گوهۆرین.

رێڤەبەریا سەقاناسی و عەردهەژزانا هەرێمێ پێشبینیێن سەقای بەلاڤکرن و ڕاگەهاند، ئەڤرۆ چارشەمبی ئەسمانێ هەرێمێ دێ نیڤ عەور بۆ عەورێن تەمام بیت و دەرەنگیا شەڤێ دگەل لێدانا بریسیان باران ژی دێ باریت و رێژا بارانێ ل دەڤەرێن چیایی دێ زێدەتر بیت.

ئاماژە ب وێیەکێ ژی کریە، پلەیێن گەرمێ کێمەکێ دێ داکەڤن ب ١ تا ٢ پلەیان و ئاڕاستەیا بای ژی رۆژهەلات دبیت.

دەربارەی سەقایێ سوبەهی ژی، سەقاناسیێ دیارکریە، سپێدێ زووی باران دێ باریت و پشڕە دێ هێتە گوهۆرین بۆ عەورێن تەمام و ل دەمێن ئیڤاری سەقا دێ بۆ ساهی و پارچە عەور هێتە گوهۆرین.

بەحسا وێیەکێ ژیکریە، پلەیێن گەرمێ ١ بۆ ٢ پلان دێ بلندبنە ڤە و ئاڕاستەیا بای ژی باشورێ رۆژهەلات دبیت.

بلنترین پلا گەرمێ یا دهێتە پێشبینیکرن ب پلەیا سیلیزی:

هەولێر : 27 پلەى سیلیزى

سلێمانی : 26 پلەى سیلیزى

دهۆک : 26 پلەى سیلیزى

کەرکوک : 29 پلەى سیلیزى

هەڵەبجە : 27 پلەى سیلیزى

زاخۆ : 27 پلەى سیلیزى

سۆران : 26 پلەى سیلیزى

گەرمیان : 32 پلەى سیلیزی