سەقاناسی: ڤێ حەفتیێ بلندترین پلەیێن گەرمێ دێ هێنە تۆمار كرن
رێڤەبەرییا گشتی یا سەقاناسی و بیڤەلەرزێن هەرێما كوردستانێ پێشبینی دكەت ڤێ حەفتیێ بلندترین پلەیێن گەرمێ بهێنە تۆمار كرن.
د راگەهاندنەكێ دا رێڤەبەرییا سەقاناسی و بیڤەلەرزێن هەرێما كوردستانێ پێشبینی كر ڤێ حەفتیێ بلندترین پلەیێن گەرمێ بهێنە تۆمار كرن و پێشبینی كر ژی پلا گەرمێ یا ئەڤرۆ ژ دوهی بلندتر بیت.
ل دویڤ وێ راگەهاندنێ، دهێتە پێشبینی كرن هەر ژ رۆژا دووشەمبی هەتا رۆژ پێنج شەمبی بلندترین پلەیێن گەرمێ بهێنە تۆمار كرن و ڤێ هەیڤێ پلەیێن گەرمێ دێ ل ناڤبەرا 44 هەتا 49 پلەیێن سیلیزی بن ل سەنتەرێن باژێڕان و دەڤەرا گەرمیان.
هەر د وێ راگەهاندنێ دا هاتییە: بلندترین پلەیا گەرمێ دێ ژ سەعەت دووی پشتی نیڤرۆ هەتا چواری ئێڤاری بیت و پێشبینی دكەت ژی پلەیێن گەرمێ ل باژێڕێن باشوورێ عیراقێ بگەهیتە 50 پلەیێن سیلیزی و بلندتر ژی.
Comments are closed, but trackbacks and pingbacks are open.