سەندیكا پەروەردێ یا توركیا: 83% یا مامۆستایێن توركیا ل ژێر هێلا هەژارییێ نە
سەندیكا پەروەردێ یا توركیا راگەهاند، ل دویڤ وان ڤەكۆلینێن ئەوان ئەنجامداین دیاربوویە، 83% یا مامۆستایان ل توركیا و باكوورێ كوردستانێ ل ژێر هێلا هەژارییێ دژین و 85% یا مامۆستایان ب زەحمەت دشێن كرێیا خانیێ خوە بدەن.
بەری 24ی ڤێ هەیڤێ كۆ رۆژا مامۆستایانە ل وەلاتێ توركیا، سەندیكا پەروەردێ یا وی وەلاتی ئەنجامێ ڤەكۆلینەكێ دەربارەی رەوشا ئابووری و جڤاكی یا مامۆستایان بەلاڤكر كو تێدا بوچوونا 16 هزار مامۆستایان هاتییە وەرگرتن.
د وێ ڤەكۆلینێ دا 83% یا مامۆستایان راگەهاندییە داهاتێ وان یێ هەیڤانە ل ژێر هێلا هەژارییێ یە و نەشێن پێدڤییێن سەرەكی یێن ژیانێ بدەستڤەبینن.
دهێتە زانین ل توركیا هەر خێزانەكا چوار كەسی كو داهاتێ وێ یێ هەیڤانە ژ 13 هزار و 843 لیرەیان كێمتر بیت، ل ژێر هێلا هەژارییێ دهێتە هەژمارتن.
Comments are closed, but trackbacks and pingbacks are open.