شانازیێ ب مێبوونا خو دکەم
بێریڤان خضر
دوو پەرلەمانێن بتەنێ رەگەز نێر سفکاتی بناڤ و رەگەزێ ئافرەتێ کرن و بێ رێزی ل ئافرەتا کودستانێ کرن حکومەتا هەرێما کوردستانێ ب مێیبوون ناڤ کرن واتە ئافرەتا کوردستانێ لاوازە، ژ لایێ دی ڤە بێ رێزی ل ئافرەتەکا سەرکردە مینا سەروکا پەرلەمانێ کوردستانێ کرن و جووتا پێلاڤێ لێ وەرکر،
ئەو هەر دوو پەرلەمانتارە ب روی رەشی ڤە هزر و رەوشەنبیریا وان ل وی ئاستی نینن کو بچن دناڤا کوپیتکا پەرلەمانی دا روینن و ببن جهێ بریارێ، ئەز نزانم ل وی دەمی ئەو مێیا هوین پەروەردەکرین ب چ جاڤ دێ وە بینت.. ئەز نزانم کا وێ مێیا هوین پەروەردەکرین و مەزن کرین چ رەوشت نیشا وە دایە
نزانم کا ب چ رەنگی وەسفا مێیان بو وە کریە،
دا بەرسڤا وە بدم حکومەتا هەرێما کوردستانێ بەرهەمێ سەدان ساڵ شورەش و خزمەت و قوربانی دانا خەلکێ خودان رویمەت و شەرف و کەرامەتە، ئافرەتا کورد ئەو شێرە ژنە یا هزاران شێرە کور پەروەردە کرین وکرین قوربانی پیخەمەت ئازادیا کوردستانێ، ئەو ئازادیا نوکە ئەزمانێ وە تێدا درێژ بووی و سفکاتی ب پیروزیا ئافرەتێ کرین،
ئافرەتا کورد ئەو ئافرەتن یا مل بملێ زەلامی شورەش و سەرهلدان کری، ئافرەتا کورد ئەو شێرە ژنە ل پێناڤ ئازادیا کوردستانێ وەریسێ سێدارەدانێ ل ستویێ وێ هاتی کرن مینا شەهیدا رێکا ئازادیخوازا کوردستانێ شەهید ( لیلی قاسم ) دیسان ب سەدان ئافرەتێن دی بونە قوربانی پیخەمەت ئازادیا کوردستانێ و تا نەها ژی خو دکنە قوربانی ژ بو بدەستڤەئینانا مافێ ڕەوایێ گەلێ کوردستانێ،
مینا دەیک و خوشک و کچێن کوردستانێ ئەو قوتابخانا دەستپێکیا هەر تاکە کەسەکی ئافرەتە،
بلا هەر ئافرەتەک شانازیێ بخو ببێت کو یا هاتی ئافراندن ب مێبوون جونکی ئافرەت ژیانە و ژیان ئەگەر ئافرەت تێدا نەبێت ئەو ژیانە نامینێت…
مللەتی کورد پەتی سێداریان ماچ کردوە نمونەی ئەوئافرەتانە (شەهید لیلا قاسم حفصە خانی نقیب )سەدان ئافرتی تر کە لەپێناو ئازادی و مافی کورد گیانیان بەخشیوەو ئێستاش تێدە کۆشن لەپناو مافەکانی کورد . مێینە دایکمانن هاوسەر مانن بەخێوکەر مانن قوتابخانەی پێگەیندنمانن بۆ تێکۆشان لە پێناومافی مللەتو ئازادی کوردستانی خۆشەویست …
Comments are closed, but trackbacks and pingbacks are open.