شانده‌كێ بلندێ له‌شكه‌ری یێ حكومه‌تا فیدرال ئه‌ڤرۆ ب سه‌رۆكاتیا حه‌مید شه‌ترى سه‌رۆكێ ده‌زگه‌هێ ئاسایشا نیشتیمانى یا عیراقێ سه‌ره‌دانا شنگالێ كر.
فه‌رمانده‌یا ئوپه‌راسیونا هه‌فپشكێن عیراقێ دبه‌یانامه‌كێدا دا خویاكرن، ئه‌و شاند پێك هلاتیه‌ی ژ عەبدولئەمیر یاروڵڵا، سه‌رۆك ئه‌ركانێ سوپایێ عیراقێ وعەبدولئەمیر شەممەری، جێگرێ فه‌رماندێ ئوپه‌راسیونا هه‌فپشكێن عیراقێ وهژماره‌كا فه‌رماندێن ئه‌منى و له‌شكه‌رى ژ ئه‌ندامێن وى شاندى نه.
فه‌رمانده‌یا ئۆپه‌راسیونێن هه‌فپشكێن عیراقێ د به‌یانا خۆدا راگه‌هاند: ئارمانجا مه سه‌ره‌دانا هێزێن ئه‌منى یه ل وێ ده‌ڤه‌رێ.
دهێته زانین كو ئه‌ڤه چه‌ند رۆژه گرژی وئالوزی یێن دناڤبه‌را هێزێن له‌شكه‌رێ عیراقێ و چه‌كدارێن یه‌په‌شێ یێن سه‌ر ب په‌كه‌كێ ڤه دروستبوین.
Comments are closed, but trackbacks and pingbacks are open.