دەزگەهێ مێدیایێ زێ بادینان

د.تیم بونو، ده‌روونناس و نڤیسه‌رێ په‌رتوكا “ده‌مێ لایك نه‌به‌س بن” بۆ كه‌نالێ “هێلثیستا” یێ بریتانی 6 دیارده‌یێن نه‌رێنی لسه‌ر ساخله‌مییا عه‌قلی دیاركرن، ئه‌و ژى:
1- حه‌سیدی ل ده‌ڤ مرۆڤی په‌یدادبت و د نوكه‌ دا نه‌خوه‌شییا “حه‌سیدییا فه‌یسبوكی” ل ده‌ڤ ده‌روونناسان تشته‌كێ به‌لاڤ و ئاشكرایه‌ و توشبوویێن وێ ب زێده‌هی په‌یدابوینه‌.
2- ئالوده‌بین ئێك ژ دیارده‌یێن ترسناكه‌ لسه‌ر ساخله‌مییا عه‌قلی و دبت ب ئالوده‌بینا فه‌یسبوكی و ئێنستگرامی و تویته‌ری كارتێكرنێن نه‌رێنی یێن مه‌زن لسه‌ر عه‌قلی په‌یدابن و هه‌رده‌م د ئاماده‌باشیێ دا بت، و هوسا وه‌ستیانا زێده‌ ل ده‌ڤ په‌یدادبت.
3- ژ ده‌ستدانا په‌یوه‌ندیێن جڤاكی، كو بهێزترین ئاماژه‌ بۆ ساخله‌مییا عه‌قلی و شادییا مه‌ په‌یوه‌ندیێن مه‌نه‌ لگه‌ل خه‌لكێ دی، له‌وا تورێن جڤاكی ڤێ په‌یوه‌ندیێ ناهێلن.
4- ب شێوه‌یێ سالانه‌ پتر ژ ترلیون وێنه‌یان ل سه‌رانسه‌ری جیهانێ دهێنه‌ گرتن داكو د تورێن جڤاكی دا لایكان ب ده‌ستڤه‌بینن، و ئه‌ڤ چه‌نده‌ ته‌شویشه‌كا مه‌زن د بیردانكا مرۆڤی دا په‌یدا دكت، كو گه‌له‌ك جاران پرۆسه‌یا بریاردانێ و پێشبینییا پاشه‌رۆژێ ل ده‌ڤ مرۆڤی ئالوز دكت.
5- نه‌نڤستن، هه‌ستكرن ب قه‌له‌قێ یان غیره‌تێ ژ وێ چه‌ندا ئه‌م د تورێن جڤاكی دا دبینین، مێشكی به‌ره‌ڤ بلندترین ئاستێ ئاماده‌باشیێ دبن، و هوسا نڤستنێ ل مرۆڤی كێم دكت.
6- لاوازكرنا ئاگه‌هییا مرۆڤی، ئه‌و رێژه‌یا زانیارییان یا تورێن جڤاكی ب ئێك پالدان بۆ مرۆڤی ڤرێدكت ئاگه‌هییا مرۆڤی لاواز دكت.