گورەی بڕیارەکا سەرۆکایەتیا جڤاتا وەزیرێن ھەرێما کوردستانێ، ھەر شۆفێرەکێ ب تڕۆمبێلا حوکمەتێ زێدەگاڤیان بکەت و پێگیری قانوون و رێنمایێن ھاتنوچوونێ نەبیت شۆفێر بخۆ دڤێت سزاى بدەت.
وەزارەتا نافخۆ نڤیسارەك ئاراستەیی سەرۆکایەتیا جڤاتا وەزیران کریە و تێدا داخوازکریە، ئەو شۆفێرێن تڕۆمبێلێن حوکمەتێ بکاردئینن ددەمێ ئەنجامدانا زێدەگاڤیان پێدڤیە شۆفێر بخۆ سزاى بدەت نە فەرمانگەھێن حوکمەتێ، سەرۆکایەتیا جڤاتا وەزیرانژی بڕیاردایە شۆفێر پێگیری قانوون و رێنمایێن ھاتنوچوونێ بیت و ئەگەر زێدەگاڤیان بکەت ئەو بخۆ سزاى بدەت.
سەرۆکایەتیا جڤاتا وەزیران داخواز ل فەرمانگەھێن حوکمەتێ کریە، داخوازا ئازاکرنێ ل رێڤەبەرایەتیێن ھاتنوچوونێ نەکەن بۆ زێدەگاڤیێن تڕۆمبێلێن حوکمەتێ و بەرۆڤاژی پێدڤیە شۆفێرێ تڕۆمبێلا میری مینا شۆفێرێن ئاسایی سزاى بدەن، ئەڤە ژی بۆ پێگیریا شۆفێرێن حوکمەتێ یە ب رێنمایێن ھاتنوچوونێ.
Comments are closed, but trackbacks and pingbacks are open.