شڤێدی ل کۆمەلگەها شاریا رویدانەکا کوشتنێ چێبوویە و هەتا نوکە پۆلیسان چ رۆنکرن بەلاڤ نەکرینە.
ژێدەرەکێ ئاگەهدار بۆ گاڤ دیارکر؛ شڤێدی دۆرێن دەمژمێر 10:30 شەڤێ پۆلیسان مەفرەزەیەک ل ناڤ باژێرکێ شاریا دانایە و ترومبێلەکا تەکسی هاتیە و ل مەفرەزێ دایە و پاشی تەقە ل ترومبێلێ هاتیەکرن.
ئاماژەیێن دەستپێکی ئاشکرا دکەن کو سێ کەس د تەکسیێ دابوون، کەسەک ب تەقەیێ هاتیە کوشتن، ترومبێل ژ بن کۆنترۆلا شوفێری دەرکەفتیە و ب دیوارێ مالەکێ کەفتیە، لەورا سوارەکێ دی ژی یێ ترومبێلێ برینداربوویە، یێ دی ب سلامەتە و تەرمێ کەسێ هاتیە کوشتن، ژ نوشداریا داد ژی دەرکەفتیە.
ژێدەر دیاردکەن رویدان ژبەر کێشەیەکا جڤاکی بوویە، پۆلیسان ژ بەر وێ کێشێ مەفرەزەیەک دانایە و ترومبێلا ئەو کەس تێدا هاتیە کوشتن، ل مەفرەزێ دایە، لێ تا نوکە ئەڤ سیناریۆیا رویدانێ ب فەرمی نەهاتیە پشتراستکرن و دویڤچوون بەردەوامە.
گاڤ پەیوەندی ب بنگەهێ پۆلیسێن شاریا و راگەهاندنا پۆلیسێن پارێزگەها دهۆکێ کر، لێ چ داخۆیانی و زانیاری ل سەر بابەتی نەدان.
Comments are closed, but trackbacks and pingbacks are open.