بێوارحسێن زێباری، ھەولێر:
ئەگەر ئەم ل سەر ناسنامە و گەلێ کورد ڕاوەستین، دێ ئێکسەر ھزر و بیرێن مە دێ بۆ وان شۆڕەش و سەرھەڵدانێن گەلێ کورد چن، ئەوێن وان ئەنجام دایێ د قویناغێن جۆدا جۆدا دا بووینە مایەی دەستکەفتن و ئەگەرێن ھندێ کو کورد ببن خودان بڕیار و دەستکەفێن زێدەتر و ئەوێ چەندێ ژی بیرنەکەین، کو نە تنێ ناڤ ڤان شۆڕەشاندا بەڵکو پتریا جاران کورد تووشی ھەر کاودانەکێ ببیت قوربانی دان و بییە خودان ھزارەھا شەھید و بریندار و زیندان و ئەنفالا و دەربەدەری کرنێ، کوردان زۆر نەدیتی و نەخۆشی دیتنە، بەلێ ئەو ھەمی ئەڤرۆکە بووینە ئەگەرێ دەستکەفتێن زۆرێن مەزن و ئەم بەحس بکەین زۆرن لێ یا ھەمیان گرنگتر ئەوە نوکە ھەرێما کوردستانێ ئێکە ژ بھێزترین و ئارامترین ناڤچەیا ڕۆژھەلاتا ناڤی و ئەڤە بوویە ئەگەرێ وان نەخۆشیان و دەربەدەریێ.
بەردەوام و بەردەوامییا شۆڕەشا مەزنا ئەیلول کو پتریا چەند سالان کێشا، دەرئەنجامێن وی کو نەدادپەروەری و چەوساندنا نەتەوەیی و چەوساندنا کۆمەڵایەتییە پاش ژی سیستەمی کۆماری ل جێبەجێکردنا دەستووریا کاتیدا پاشەکش کرد.
ئاگرێ ڕاپەڕین ل ١١ ی سێپتەمبەری ١٩٦١ ھەڵگیرسا ئەوێ ڕۆژێ سوپایێ عێراق ل چەند ناڤچەیێن جۆدا جۆدا ھێرشکرە سەر ھێزێن کوردی ( پێشمەرگەی ) و پێشمەرگەش باژێرێ زاخۆ ئازاد کرد، بەلێ پشتی ١١ ڕۆژان بەرواری فەرمی ھەڵگیرسانا شۆڕەشێ بوو، چونکە دوژمن ب فڕۆکان دەستپێکر ب ئۆپەراسیۆنا بۆردومانکردنا بەرفرەھـ باژێر و گوندێن کوردان ل ھەردوو لایێن ڕێیا کەرکوک – سلێمانی و گوندێن ھەڤسنوورێ بەنداڤا دوکان و زیێ خەلکان و گڕێن ھەمی پارچێن کوردستانێ گرتن.
ب ھەر حال. شۆڕەشا ئەیلول وێستگەھەکێ پێشکەفتی خەبات و ئێکە ل دیارترین و گرنگترین شۆڕەشێن گەلێ کورد ل مێژوویا خەباتێ دا و بێ گومان مەزنترین شۆڕەشە ل قۆناغ و ئازارێن مێژوویا دوورودرێژا خۆیدا و ب ڕاستی دایکا شۆڕەشانە، ئەو ھەتا نوکە ھەر ئەو دەستکەفت و ھەبوونا ناڤ دەنگییا کوردان بوویە، شۆڕەشا ئەیلولێ. ئەو بوویە ئەڤرۆکە ب زمانێ دایکێ پێ ئاخڤن و دنڤیسین و خاندنا مە یا سەرەکی یە زمانێ کوردی، ئەو ژی ب ھەبوونا ڤێ شۆڕەشێ بوویە، چونکە ڕێڕەوێکێ مێژوویی نوێ بۆ گەلێ کورد کێشا دەستپێکا نڤیسینا مێژوویا نوێیە بۆ گەلێ کورد کو مەسەلەیا کوردی بەرەڤ ئاسۆیەکێ بەرڤرەتر بر و خستە بەردەم کۆڕبەندێ نێڤدەوڵەتی و شرۆڤەکارێ لەشکری یێ بەریتانی دبێژیت ” چیرۆکا شۆڕەشا کورد چیرۆکا مەلا مستەفا “
شۆڕەشێ بەرێ بناغەیێ پتەوی دانا و قوتابخانەیەکا مەزنە یا تێکۆشانێ دامەزراند ل ناڤ ڕیزێن گەلێ کورد دا، ب نوێنەرایەتییا بەرەیێ پێشمەرگەی قارەمان کو بەردەوام بوون ل خەبات و ڕووبڕووبوونا ڕژێمی بەعس تا ڕووخانا ڕژێمی عەبدولکەریم قاسم و کورد ب شێوازەکێ جۆدا جۆدا ھەوڵ دا پەیوەندییەکا باش و ئارام دگەڵ حکومەتێ بپارێزێت کو مافێن گەلی کوردی فەرامۆش کرد بین، کو ل دەمێ دامەزراندنا سیستەمی کۆماری گرتبوو.
شۆڕەشا ئەیلول پشتەڤانییا خەڵک و پارت و ڕێکخراوێن سیاسیی تێکۆشەرێن ئازادیا مرۆڤ و مافی چارەنڤیس ب دەستھێنا و بزووتنا ئەیلول بڕیارەکا سیاسی و سەربازی سەرکردایەتییا شۆڕەشێ بوو و سەرکەفتنا مەزن بوو ل سەر گۆڕەپانا سیاسی یا جیھانی ب دەستھێنا.
خیانەت و خیانەتکاران و بارمتەی ئاخا عێراق و سەروەری بۆ ئێران جیران، ب مەرجێکێ کورد چ دەست نەکەفیت!! خەڵکێ عێراق ھەموویان ملیۆنەھا گیان و ملیارەھا دۆلار تێچوو و گەلێ ئێرانیش باجا پیلانگێڕییە قێزەوێن ڕژێمێ دا ب شەڕێ ھەشت ساڵییا ناڤبەرا ھەردوو وەڵاتان کو شۆڕەشا گەمارۆدراو بۆ ماوەیێ ڕاوەستا و دیڤرا کورد کۆمبوون و دیسان ئاڵایێ خەباتێ بلند کر، ب داگیرساندنا شۆڕەشا پێشکەفتیخواز گولان وەک درێژکراوەیەک و ڤەڕاندنا وزەیا کلتور و کەلپور شۆڕەشا مەزنا ئەیلول کو شۆڕەشا کوردی .
نوکە ژی ھەمان سیناریۆ ڕووددەن. پتریا سیاسەتمەدار و ڕۆشنبیڕێن عێراقی ب پیلانگێڕی ل دژی کورد دگەڵ وەڵاتانێن جیران دەترسێنن و دزانن کورد ڕۆڵێ سەرەکی ھەبوویە ل سەرکەفتنا پرۆسەی سیاسی و درێژەدان ب ناکۆکی نێوان برایان ل عێراق و بۆ ڤێ مەبەستێ یش ھەمی ئەڤ کێشە، کو شەقامی کوردی بزاڤا چارەسەرکرنێ ددەن. ھەردەم سەرکردە و ھێزا دەستھەلاتێ ل ھەرێمێ دڤییایە کو عیراقەکا ئێکگتری ھەبیت دوویر ژ ھەر دەستێوەردانەکێ، بەلێ وان و ھندەک لایەنێن یتر ژی دڤییایە زێدەتر ناڤبەرا کوردان ناخۆش بکەن و ببیتە ئالۆزی بۆ ھندێ ججاران نە ئەو نە کەسێن دیتر ھزر د دروستکرنا دەولەتەکا کوردی یا ھێزەکا نیشتیمانی یا بەرەی گەلێ کورد ھەبیت.
ل شۆڕەشا ئەیلولدا سەرۆک مەلا مستەفا بارزانی دەستبەردارێ وان ناڤچەیان نەبوویە، کو ئەڤڕۆ پێی بێژن ل چارچوڤێ مادەی ١٤٠ ی دەستوورێ عێراقدا کەواتە ناڤچەیێن دەرڤەیێ ھەرێمی کوردستان.
نوکە ژی ھەر ئەو سەرکردایەتییا پارتیە پاراستنا قەواریا ھەرێما کرودستانێ دکەت و بوویە سمبۆلێ پێکڤە ژیانێ و جھێ باوەریا خەلکی و ھەتا ئەڤرۆکە زۆر وەلاتێن بیانی ژی لێرە ھەولێر کۆنسۆلخانێن خۆ ڤەکرینە و بووینە جھێ باوەریان وان ژی، ئەڤە و چەندین دەستکەفتێن دیتر بووینە ژ دەرئەنجامێ وان شۆڕەش و سەرھەلادانێن گەلێ کورد.
ھەروەھا ئەڤرۆکە ئەوا سەرۆک مسرور بارزنی، کری ل واشنتن ل ئەریکا ئەوە بەرھەمێ ڤان شۆڕەشانە و ھەمان شۆڕەش و دەستکەفتن بەلێ ئەڤ قویناغە ھاتیە گوھۆڕین و دڤێت زێدەتر شارەزا بن چونکی شەڕێ چەک و پۆپ و فرۆکان نەمایە بوویە شەڕێ کارگێری و ئابووری، لەما دڤێت ھەموو بزاڤێن کردان دەستێ ھەڤدۆ بگرن و ببن ئێک وێ چەندێ ژی بیرکەن کو بۆ بەرژەوەندیێن تاکەکەسی بھێلن، و ببن خزمەتکارێن مملەتێ خو و زێدەتر دەستکەفتنا تۆمار بکەن و بۆ وەلاتێ” جیھانێ و زڵھێز ژی بدەنە دیارەکرن.
سەرنڤیسەر و رێڤەبەرێ گشتێ یێ ( دەزگەھێ میدیایی زێیێ بادینان)ە.
Comments are closed, but trackbacks and pingbacks are open.